صباح الخير صباح النور
احلى صباح عليكوا بيدور
فكل مكان انزل وشوف
بنت بلدنا فى عنيها الخوف
اصل جبان اتحرش بيها
لمس جسدها او يعاكسها
نسى اخلاقه نسى اخواته
نسى انه فى يوم انسان
وانه كما يدين يدان
انزل احميها
مش تتحرش بيها
رجع ليها تانى الامان
انت مش وحدك
كلنا حوليك
لسه فى رجالة جدعان
بلاش تسكتى
وجواكى تكتمى
المتحرش اصلا جبان
باديكى اضربى
وبصوتك اصرخى
ولمى عليه خلق الله
التحرش خوف
التحرش جبن
ضد التحرش طول العمر
سامحينى يا اختى
انتى شرفى
صورتى اتهزت قدام عينك
يوم ما اشوفهم بيتحرشو بيكى
يبقى انا خاين لعهدى ليكى