من كرم المصريين عملوا بدل الثورة ثورتين
على أمل يقضوا على التحيز والتميز والعنصرية
طلع وزير شايف نفسه باشا والباقى ولاد ستين
شكله كدا على حظنا جاى لنا من زمن الخديوية
جلاد من يومين ونفخ نفخه شعللها وخلى الدنيا نار
ووزير رايق وعايق مش دارى بنفسه إنه صاحب قرار
شكلهم كدا كارهين مصانع اللب والسودانى والفيشار
خلونا نتسلى واهى حاجة ببلاش كدا
صحيتوا اللى كانوا على تويترهم متوترين ونعسانين -
جالهم النشاط دلوقتى وبالمثالية المزيفة شغالين
والسؤال البرىء كالعادة هو مين مع مين ؟
منكم لله ياللى بالرواقة مرفهين وغير نفسكم مش شايفين
|