[طـفـلـة الامـس]

المشاركة الأصلية كتبت بواسطة أريج الزهور

لكل الطلبه المقبلين علي الدراسه الجامعيه
ارجو الاجابه علي هذه الاسئله بصراحه
لمن تهدي نجاحك؟

اولا لماما ثم بابا ثم باقى عائلتى الكريمة
ايه سر نجاحك؟
ارادة الله تعالى ودعوات امى التى كانت تغمرنى دائما .
علاقتك بربنا كانت عامله ايه؟
بصراحة ما كنتش بروح الدار اخر شهرين بس الحمد لله هما كانوا بيدعوا لى علطول .
ايه رايك في النظام بتاع الدراسه؟
لو قصدك على نظام الكلية فده بيختلف من جامعة لاخرى حسب نوعها ومكانها يعنى انا اختى الكبيرة فى طب الاسكندرية ومش عاجبها نظامه خالص وعلطول تقول كان نفسى ادخل طب عين شمس لانهم بيقولوا انه احسن طب بس الحمد لله .
ايه احسن تانيه ولا تالته؟
تانية كانت بتحصلى فيها حاجات غريبة جدااا وفيوم اتسرقت وانا مروحة من درس الكيمياء الشنطة بتاعتى كلها بالمذكرات وكل حاجة فيها والموبايل وطبعا صورت المذكرات من تانى والمهم انه رد على بابا لما كلمه على موبايلى وقاله مذكراتها انا رمتها اصلا بس بقى كنت فى حالة يرثى لها
وكان بجد بيحصلى حاجات غريبة فعلا بلاش اكمل كفاية عليكم كده
كنت بتسهر كتير؟
كنت بنام كتييييييييير فى السنتين بس تقريبا تالتة اكتر
البيت كان في جو من القلق والتوتر بالذات في الامتحانات ولا عادي يعني؟
كان البيت توتر جداااااااا اكثر مما تتخيلين وكنت كل امتحان ارجع لازم اعيط عشان غلطت فى حاجة وماما اساسا اعصابها كانت بتبقى بايظة لوحدها انا كنت ببوظهالها اكتر من اللى كنت بعمله
ولا يوم النتيجة ده موال تانى بهدلت الدنيا بجد ماكنتش مستوعبة اللى بيحصل اصلا كنت فى عالم تانى لدرجة ان الناس فى الشارع فكرونى سقطت من اللى عملته
بس الحمد لله انا كنت شايفة المجموع من غير المستوى
مش مهم المهم انى دخلت اللى انا عايزاه وخلاص وحتى لو كنت جبت مجموع طب كان استحالة هادخلها .
مين تعب معاك اكتر؟
ماما بصراحة تعبت اوى نفسيا وبدنيا
كنت بتذاكر ليه؟
عشان كان نفسى احقق هدفى
كان ايه هدفك؟
هدفى اولا ارضاء الله ثانيا : ربنا يوفقنى انى اساعد كل مريض محتاج مساعدة
وده اتحدد طبعا بعد وفاة احد اقاربى حسيت انى مش قادرة اساعده وعزمت انى هابذل مجهود كبير باذن الله عشان اقدر اساعد مرضى كتير محتاجين للمساعدة
حققته؟
اول الخطوات على درب تحقيقه
ايه هدفك الحالي؟
انى اكمل المشوار واقدر احقق اللى كان نفسى فيه
ازاي هاتحققه؟
بارادة الله عز وجل ثم بالمثابرة والجد والاجتهاد والاصرار والعزيمة الصادقة والنفس الطموحة
أخيراً..........
أتمني لكم ولنا التوفيق من كل قلبي
جزاكم الله خيرا

جزاكى الله خيرا على الموضوع الجميل وشكرا لكى