[عبد الحميد بدوي]

بخاف اعدى من شارعنا القديم
مش عشان حاجة والله العظيم
ومالكم عليا يمين
بس بخاف اعدى
روحى تروح منى
وي***نى الحنين
بخاف يسألنى عن عمرى
اللى راح هدر
وليه عايش حزين
وانت اللى كنت بتضحك
الحجر والطين
وعمرك ماشلت
جبت الهموم منين ؟
بخاف يسألنى ويقولى
أنت فين ؟
وأنا تايه مع التايهين
من يوم ما سبت
شارعنا القديم
مين اللى قال ان الشوارع
ما بتحسش مين
الشوارع حكايتها حكاية
كلها شوق وحب وعطف وحنين
وبتحزن فى الحزن وبتفرح فى الفرح
اكتر من البنى ادمين
الشاعر
عبد الحميد بدوى