[فنكوشه المنكوشه]

وانا بعمل البطاقه الاسبوع اللي فات
قابلتني موظفه من الموظفات وقالتلي لازم اكتب كلمه معينه
مش مهم الكلمه الرخامه في حاجه تانيه
لون القلملازم قلم اسود
واصلا مركز اصدار البطاقات في حته مقطوعه الاقيلها انا منين قلم اسود ولفيت طبعا المصلحه راجل راجل وست ست وعمالين يضحكوا عليا اشمعنه يعني قلم اسود
ونفسي اقولهم بنت ال الناس الطيبين اللي هناك دي هي السبب
ماعلينا
وانا في الجوزات وراحله اقدم الاستمارات رحت لاقيت الطابور يعني لو وقفت فيه يبقي قدامي لبكره ومع ذلك قدمت اول واحده لاني بنوته اظاهر الظابط كان عاجبه البرفان بتاعي مثلا ودا علي اساس ان طابور الستات فاضي طبعا الناس كنت حاسه انهم عاوزين يدوني علقه وانا شمتانهمع ان العدل انهم ياخدوا واحده من طابور الستات وبعدها 10 من طابور الرجاله بس بعد ما انا امشي
دا في المصالح الحكوميه تروح يمين يودوك شمال تروح شمال يرجعوك يمين لحد ما تدوخ ويا تزهق يا تعند وتنول المراد بعد اكرميه 20جنيه
الغريبه ان اصحاب المصالح الحكوميه هما اللي بيشتكو من الرشوه والفساد في البلد
يعني يقتل القتيل ويمشي في الججنازه
وكل واحد عمال عاوزز يغير في اللي حواليه وعاوزهم يبقوا احسن ناس (يعيني)وبينسي اهم واحد هو نفسه
عموما انا مش مستغربه من الاحصائيه
دا كويس انها جت علي اد كدا