ياااااااااااااااااااه
كان نفسي اعد معاو اكتر من كده
بس للاسف دي اخر حلقه
خلاص الموضوع كده هيروح زي ما غيره كتير راحو
بجد بجد اجمل موضوع عملته وهعمله في حياتي
بغض النظر عن الموضوع فيه ايه
بجد الموضوع ده عرفني بنناس كتير
كشفلي وجوه كتير مكنتش واخده بالي منها
بجد الموضوع ده ليه فضل كبير عليا
شكرا ليكم علي متابعتكم ليا وتشجيعي
كنتو بتحسسوني اني في وسط اخواتي بجد
رغم اللي سببهولي الموضوع في وقت من الاوقات
بس عمللي حاجات كتير حلوه
دي الحلقه الاخيره
يارب تعجبكم
الحلقه التاسعه والاخيره
اول ما سمعنا كده احنا الاتنين....وقفنا مستغربين اوي
هيا دي صدفه ولا ايه
وفاجاه رحت باصص لهيثم وجه على بالي سؤال
انا: هيثم انت حكيت لاخوك او لاي حد عن اللي بيحصل
هيثم: لا
راح محمد بص واستغرب ودخل في النص وقال
اخوه!.....اخوه ليه؟
انا: اصل اخوه حلم النهارده نفس الحلم اللي انت حلمته
محمد: ايه!!!!!!!!!!!!!!!!!!!!!!!!!!!!!!!! انت متاكد
انا: ايوا هوا قالي كده الصبح
هيثم: يعني اخويا حلم كده...وانت حلمت كده....وراح ساكت
انا: مالك يا هيثم .... سكت ليه
راح باصصلي وهوا ساكت ولف وشه تاني
هيثم مبقاش بيتكلم خالص...وفضل لحد ما مشينا ساكت
وانا قاعد طول السكه اهاتي معاه..يا هيثم..انت يا ابني ... انت يا حبيبي رد عليا
راح باصلي وقالي: هوا انا ايه اللي هيحصلي؟..انا معملتش حاجه عشان كل ده يحصل....وفضل يحصلي انا وقولت ماشي
انما يحصل لاخويا..اخويا يا محمد...طب اخويا ليه!...هوا ذنبه ايه يحلم بحلم زي كده....وبعدين انا محكتش لاي حد عن اللي بيحصل..لاي حد خالص!
انا تعبت بقا بجد تعبت وزهقت وقرفت..(وبدأ يعلي صوته) انا زهقت بجد..هما عايزين ايه...هما مين اللي بيعمل كل ده...هما عاوزين ايه مني
انا: اهدى يا هيثم..محدش يقدر يلمسك ولا يقرب منك ولا من عليتك..لو كانوا عاوزين يعملوا كده من زمان كانوا عملوا
هيثم: يا محمد انا بجد خلاص ... مش قادر
انا : متخافش يا هيثم...متخافش بجد...طول ما انت مع ربنا عمر ما في حاجه هتأذيك
وروحنا البيت.....بس انا فاليوم ده روحت وعندي احساس غريب...حسيت ان بجد كل حاجه هتخلص قريب اوي
قعدت صليت وصليت وقريت قران شويه زبعدين قومت لفيت في الشقه لفه...بس محستش لاول مره ان في حاجه غريبه
جريت اتصلت بهيثم وبقوله..: يا هيثم انا حاسس النهارده ان كل حاجه طبيعيه...انا حاسس ان كل حاجه بقت طبيعيه
هيثم: وانا كمان.....بس عارف حاسس برده ان في حاجه هتحصل...يلا ربنا يستر...تصبح ع خير
انا : وانت من اهله
وفضلت نايم على السير مستني حاجه تحصل....الباب ثابت مبيتقفلش!...كل الانوار مطفيه
مش ممكن مش مصدق نفسي...اخيرا كل حاجه هترجع طبيعيه............................................ .....ولكن لا تاتي الرياح بما تشتهي السفن!!!
نمت وروحت في النوم.....لكن حلمت بحلم غريب اوي...!
حلمت اني واقف في مكان ضلمه..لوحدي خالص...قعدت ابص حوليا لحد ما لقيت في حاجه قدامي...بحاول ابص كويس فكتشفت انه القصر
طلعت اجري وكل ما اجري مببعدش عنه خالص...روحت واقف مكاني وقعدت اقرا قران.(قل اعوذ برب الناس...)
فاجاه لقيت هيثم واقف جنبي وبيقولي..انت ايه اللي جابك هنا...يلا قوم اصحى خلاص كل حاجه بقت طبيعيه ومفيش حاجه هتحصلنا بعد كده
روجت قايم من النوم على ادان الفجر............قومت صليت وخرجت من المسجد ....,,,وحسيت انه هيبقا يوم جديد من غير اي كوابيس تاني
وفعلا من يومها والله ولا بقا في قطه....ولا حاجه....,,,,,,,,,,,,,,,,,,,,
اسيبكم في رعاية الله
واتمني اقدر اعمل موضوع يكون زي الموضوع ده يلمنا كلنا
ويخليكم متشوقين لجديد
صدقوني الموضوع بغض النظر عن محتواه لكن هو اجمل ما فيه انه عمل اللي مواضيع غيره مش بتقدر تعمله
كفايه اننا كنا فيه اخوات
ظهرتلي روحكم الجميله وانتو بتتابعو الحلقات
شكرا ليكم اخواني في الله
اختكم في الله
الزهراء
__________________
Veterinarian and proud to be so
Veteriner ve gurur kadar olmak
Vétérinaire et fier de l'être
Veterinario e fieri di esserlo