[osamaabdsalam]

المشاركة الأصلية كتبت بواسطة د.هيباتيا

عد اذنكم انا ليا طلبين
اولا: انا محتاجة نص القانون اللى بيقول ان مسمى " اخصائى تدريس" ده مش معناه مدرس وان معناه درجة وظيفية لحملة الماجستير والدكتوراه و اوائل الخريجيين لأنى محتاجاه ضرورى فى المكان اللى اتعيين فيه لانهم فى الادارة التعليمية مش عارفين يحطونى فين فى منهم فاكرنى مدرس و فيه منهم قالى احنا مش فاهمين مسماكى الوظيفى.
ثانيا: انا جالى تعيينى فى التربية والتعليم بمسمى وظيفى اخصائى تدريس تالت و انا ماجستير اداب علم نفس و استوفيت جميع اوراق التعيين و لاقيت ان فى زميلة ليا فى نفس قرار التعيين بتاعى حاصلة على ماجستير تربية صحة نفسية و مسماها الوظيفى اخصائى نفسى تالت فلاقيت ان المسميين مختلفين فروحت المديرية استفسر عن شغلى هايبقى ايه لان المسمى بتاعى يعتبر مش مكتوب و غير محدد قالولى هاتبقى اخصائى نفسى و روحت الادارة التابعة ليا و قالولى نفس الكلام انى مش هابقى مدرس علم نفس و هابقى اخصائى نفسى لكن جينا وقت الجد و وقت كتابة جواب التوجيه ماعرفوش يوجهونى لمين لان المسمى بتاعى غير واضح و ادركوا اخيرا المشكلة اللى انا كنت بتكلم فيها ، مديرة شئون العاملين فى الادارة التعليمية قالتلى هاتبعت استعلام للتعيينات فى المديرية تعرف منهم المسمى الوظيفى بتاعى و هاتبقى تدينى رقم صادر للمديرية بعد بكرة علشان اتابع انا، يعنى من الاخر الادارة شالت ايدها من الموضوع و سابونى مع المديرية فانا دلوقتى اقدم شكوى لمين او اروح لمين يحللى مشكلتى دى انا عايزة حل سريع فمين اقدر الجئله و يرد عليا و ياخد موضوعى جد ، لو فعلا التنظيم والادارة زى ما اتقالى من مديرة شئون العاملين ابقى عرفت حتى ان فيه جهة هاتحللى مشكلة واروحلها
مع العلم ان جواب التعيين الصادر من التنظيم والادارة الخاصة بكل دفعتى من حملة الماجستير والدكتوراه المعينين فى وزارة التربية والتعليم مكتوب فيه المجموعة النوعية وظائف تعليم و المسمى الوظيفى مكتوب فيه وفقا لسد العجز فى المجموعة النوعية سالفة الذكر فقط مش مكتوب لا مدرس ولا اخصائى والمسميات دى جت من المديرية و انا عايزة ابقى اخصائى نفسى مش مدرس علم نفس

العبرة بخطاب التعيين