[أسيل رزق]

30- والله بسيط يا خال
كما دمعتي ف كمي
وشديد كأني رجال
ولاهمني همي

Ө Ө Ө

31- ياما صحاب وصحاب
ليا ونا فرادي
لما باقع في العذاب
يرخوا العيون والأيادي

Ө Ө Ө

32- يابو العيال النحيفه
والقلب أخضر مراعي
عيني زيك كفيفه
لكني شايف شراعي

Ө Ө Ө

33- دعوة أبويا وأمي
إني أعيش قلقان
لا إيد تحايل فى كمي
والباب قصادي بيبان

Ө Ө Ө

34- في عروقي زعق السكوت
زعق في قلبك يا خلي
فتح بيبان البيوت
لقيت سكوتها بيغلي

Ө Ө Ө

يــ تــ بــ ــع