اقتباس:
المشاركة الأصلية كتبت بواسطة رورو محمد محمد
لسلام عليكم
أزيك ي جماعة عاملين ايه ؟
انا طالبة ثانوية عامة علمي علوم
وكان هدفي اني ادخل كلية صيدلة او لو مش لحقتها ادخل فنون تطبيقية
وكنت ماشية كويس في الامتحانات الحمدلله بس امبارح في الفيزيا تعبت جامد
ومحلتش فيها حلو خالص يعني انا ممكن انجح بالعافية مع العلم انو مستوايا ممتاز وبقفل فيها والله بس قدر الله وماشاء فعل
بس انا من ساعتها مش قادرة اكمل مذاكرة باقي المواد ولا اي حاجة
وحاسة اني هجيب مجموع وحش اوي الحمدلله علي كل حال
انا بس كنت عايزة اسأل انا لو ملحقتش فنون طبيقية ممكن ادخل فنون جميلة وهي فيها نفس قسم الديكور اللي في تطبيقية ؟
وعايزه اعرف هي فنون جميلة المنيا بتاخد من كام لانو سمعت انها بتاخد مجموع اقل بكتير من فنون جميلة الاسكندرية والمنصورة
ارجوكم ي جماعة حد يساعدني لانو حاسة اني هتهبل بجد
|
بصي كملى مفيش حاجة اسمها كدة انا كنت فى نظام الثانوية العامة سنتين وجبت فى اول سنة 87 وكنت علمى رياضة وكنت زيك بالظبط وجبت ف تالتة 97% لانى مفكرتش ف حاجة وكملت طريقي
لو مادة وقعت منك في ايدك المواد الجاية مفيش حاجة اسمها مش هكمل او حاجة تأثر عليا
ودايما الفيزيا بتيجى وحشة وانتى قدامك درجات كتيرة تجيبيها وسهلة
اهم حاجة تقولى فى نفسك انك فعلا هتعدى وتقفلى حتى لو الامتحان صعب لان مفيش حاجة اسمها صعب
بصي فنون جميلة وتطبيقية قريبين اوى مفيش حاجة اعلى من حاجة يكاد يكون فنون جميلة بتاخد اعلى من تطبيقية كمان
لو عايزة ديكور يبقى فنون جميلة ديكور لانها من اعدادى ومن غير تنسيقق داخلى
لو دخلتى تطبيقية ممكن تدخلى اى قسم بتقدير وتكونى مش حابة القسم واقسام ملهاش لازمة وكتيرة
لكن فنون جميلة بتدخلى ديكور من اعدادى من غير تنسيق ولا حاجة
وعلى فكرة ديكور تطبيقية بياخد اعلى تقدير يعنى لازم تجيبى جيد جدا ف اول سنة
تانى حاجة ديكور فنون جميلة فيه شعبتين بالرغبة مش بالاجبار وهما عمارة داخلية او فنون تعبيرية
فى حين ان تطبيقية مفيهاش شعب وبتبدئيها من تانى سنة
انتى امتحنى القدرات وخلاص ومتفكريش ف الموضوع بتاع الدرجات والتقديرات لانه هياثر عليكى وزيادة اطمئنان امتحنى الاتنين وفى صفحة هبعتهالك بتاعت الكلية فيها كل حاجة
وتحت امرك فى اى وقت ونرجو عدم الاتصال باى ارقام بالمنتدى لانها بتكون مخالفة للاعضاء