السلام عليكم ورحمة الله وبركاته
كل سنة و حضراتكم طيبين وسنة سعيدة علينا وعليكم ويعود الأيام بخير .
أحب أهنئ طلبة الثانوية اللي خلصوا امتحانات - كفارة 
- وطلبة الجامعات اللي خلصوا ونسيونا لسه بنمتحن ، وإن شاء الله النتيجة تفرح كل الزعلانين . الموضوع / نقاش فيزيائي منطقي محتاج ذكاء و إن شاء الله متجدد إلي أن يُحدث الله أمراً .
السؤال الأول
لو انت واقف في القطر و القطر ماشي بسرعة 100 كم / ساعة ومعاك حجر وانت واقف في مكانك وكل النوافذ مغلقة ورفعت الحجر دا فوق .
هل لما ينزل هيقع في إيدك ولا هيقع ورا ايدك ؟
ولو فيه واحد واقف برا القطر وشايف المنظر دا كله هيشوف الحجر طلع فوق خط عمودي ونزل ولا خط مايل والتفسير ؟