[Bossy Cat]

المشاركة الأصلية كتبت بواسطة أريج الزهور

لكل الطلبه المقبلين علي الدراسه الجامعيه
ارجو الاجابه علي هذه الاسئله بصراحه
لمن تهدي نجاحك؟
اهديه لبابا وماما بالاخص لانها هى اللى كانت بتتعب معايا اوى فى المزاكرة
ايه سر نجاحك؟
القرب من ربنا اكتر حاجة ممكن تكون سر نجاحى لان كل ما هتقرب من ربنا هتلاقى كل حاجة قدامك كويسة وسهلة وبسيطة مهما كانت صعبة
علاقتك بربنا كانت عامله ايه؟
الحمدلله نحمده ونشكر فضله
ايه رايك في النظام بتاع الدراسه؟
زى الزفت طبعا والمناهج ازبل(سورى فى اللفظ) وطبعا الامتحانات حاجة فظيعة كانهم بينتقموا مننا زى ما نكون قتلنالهم قتيل ولا حاجة
ايه احسن تانيه ولا تالته؟
تالتة بالنسبة لى كانت افضل بكتييير عن تانية
كنت بتسهر كتير؟
يووووه كتير جدا مع انه كان غلط عليا وكان بابا وماما بيزعقولى بس هعمل ايه كنت لازم ازاكر واخلص المناهج
البيت كان في جو من القلق والتوتر بالذات في الامتحانات ولا عادي يعني؟
لا خالص كان الجو عادى وكان فيه شوية اهتمام بيا اكتر ومكانوش محسسنى انى رايحة امتحن ثانوية عامة
مين تعب معاك اكتر؟
زى ما قولتلك ماما (ربنا يخليها لى يا رب واقدر اردلها جزء من اللى بتعمله معايا)
كنت بتذاكر ليه؟
عشان نفسى احقق حاجة كويسة فى حياتى او بمعنى اصح اثبت وجودى فى الدنيا واخلى الناس تحترمنى بشهادتى وبعلمى
كان ايه هدفك؟
كان هدفى فى 2 ث ادخل طب
حققته؟
لاولكن الحمدلله قدر الله وما شاء فعل حولت ادبى ودخلت اداب القاهرة
ايه هدفك الحالي؟
انى اتفوق فى دراستى اللى جاية و احضر دكتوراه فى مجالى
ازاي هاتحققه؟
بالقرب اكتر من ربنا واراعى ربنا فى امى وابى وفى نفسى وابعد عن كل حاجة بعدتنى عن مزاكرتى
أخيراً..........
أتمني لكم ولنا التوفيق من كل قلبي
وانا كمان بتمنالك التوفيق والنجاح فى حياتك العلمية والعملية
جزاكم الله خيرا
وجزاكى اياه يا قمر

بجد تسلم ايديك على الاسئلة الجميلة دى
وبجد توبيك رائع
جزاكى كل خير