[* محب الرسول *]

سألتي اسألة كتير جدا المهم ده تلخيص نظام الساعات المعتمده في علوم القاهرة ......
اول حاجه هو من غير فلوس و هو النظام الوحيد ومفيش نظام عادي معناه مثلا ماده زي الفيزيا ليها محاضرة نظري ساعتين و سكشن عملي 3 ساعات النظري بيتحسبو ساعتين معتمدتين والعملي بيتحسب ساعه تبقي الماده 3 ساعات
ليكي عدد محدد من الساعات كل ترم حوالي 18 ساعه يعني تقريبا 6 مواد اجباري في التخصص وساعات بيبقي فيهم اختياري
الكلية بتطرح كذا معاد لكل ماده وكل واحد بيختار المعاد اللي يناسبه في كل مادة سواء عملي او نظري وبناء عليه انتي اللي بتعملي جدولك والمرشد بيبقي دكتور في القسم بس بيمضيلك علي الجدول تأكيد يعني
مميزات النظام انه مفهوش اعاده للسنة يعني اللي تنجحيه يضافلك حتي لو ماده في السنة و اللي تقعي فيه تاخديه تاني عكس عين شمس اللي بيقع 3 مواد تقريبا بيعيد السنة كلها عيوبه الكورس الصيفي بس سعره عالي بس مش اجباري ده للشايل بس المادة الصيف ده بقت ب 600 جنيه .......شوفي دول وهكمل بعدين