عفوا اخى وهل امتحان الكادر هو الذى سوف يحدد مهارة المدرس فى مادة تخصصه او فى طريقة تعامله مع طلابه
على ذلك ما فائدة البكالوريوس و الليسانس الحاصل عليه المدرس
اذا تعالوا نلغى الكليات و الشهادات الحاصلين عليها وتقوم الوزارة بعمل امتحان كادر لكل من يرغب حتى من الحاصلين على الاعدادية مع العلم ان طالب الاعدادية لو حضرتك قمت بتكليفه بمراجعة بعض المذكرات المنتشرة على المنتدى ودخلته الامتحان سوف ينجح فى امتحان الكادر
نعم انا ضد امتحان الكادر
ولكن
مع التدريب الفعلى للمدرسين وليس التدريب الموجود على الورق فقط و التدريب المصطنع لكى يجمعوا منه اكبر قدر من البدلات و الانتقالات ( عفوا سبوبة حلوة ) (طبعا عارف لمين)
مع التدريب الفعلى الذى يراعى ظروف المدرسة المصرية و الطلاب و الكثافة فى فصولنا و حالة المدرس
انت حاسس بالمصيبة الموجود فيها المدرس المصرى
ان كل عيب فى التعليم يقع على ( اسف قفاه )مع ان كل عام فيه حسب الكلام تطوير للتعليم وتغير مناهج و الحاصل انه مثلا فى مناهج المرحلة الاعدادية او الابتدائية يشيل من هنا ويحط هنا عملية تباديل وتوافيق وبرده سبوبة للشخص الذى عمل الكتاب ( كل سنه يغير الكتاب وكله يرزق وسلملى على التطوير )
غير المعاملة الغير الادمية للمدرس لدرجة ان ولى امر مرة اشتكى مدرس زميل للمدير قال ايه مش عاوز المدرس يشخط فى الطالب الجالس بجوار ابنه عشان ابنه بيخاف ( واخد بالك اللى جنب ابنه مش ابنه ) تقدر تكح فى وش طالب فى ثوانى تقرير طبى بجوز جنيهات ويجى عسكرى يسحبك من قفاك قدام الطلبة فى المدرسة مع العلم ان التقرير مضروب مزور وكتير من ذلك كان زمان وانا طالب اشوف مدرسى فى الشارع وانا بجيب طلب للبيت استخبه منه دلوقتى وانت ماشى فى الشارع يتعمد الطالب يشوط الكورة فيك عشان تشوفه وكنت اخاف اقول لوالدى ان المدرس ضربنى عصاية بسب خطاء فى الفصل وحرصا منه عشان اتعلم وضرب بحنية من غير اصابات اصل والدى لو عرف حيكمل عليه اصله عارف ان المدرس خايف على مصلحتى و ان انا ممتش من الضرب بتاع المدرس الابوى بكرر اللى بحنان المدرس الاب
هو ده التعليم اللى علم مجدى يعقوب واحمد زويل و الذى جعل اسم العقاد بمجرد الابتدائية وغيرهم كثير
ولكن تقولى اسم كلام الاتحاد الاوربى و امريكا و منظمات حقوق الانسان و الطفل فى التعليم واوعى تضرب الولد ولو ابوه ضربه الجيران يبلغوا عنه ويتحبس
كده مصر محتاجه سجون كتير
اليس ديننا الحنيف ورسولنا الكريم صلى الله عليه وسلم الذى قال فيما معناه عن الابناء فى تربيتهم ان يلعبوا معهم سبع و ان تأدبهم سبع و تصاحبهم سبع
ويقولوا حقوق الطفل وقانونه
وغيره كثير............
نأسف على الاطالة الواحد مليان
ونأسف على اللغة العامية و الهمزات ان شاء الله بعد امتحان الكادر سوف اتحسن
|