تمريض بتدرسي زي الطبيب بالظبط .. و ليها تكليف و بتشتغلي في مستشفيات خاصة .. خاصة ان المستشفيات الخاصة ابتدت تستبعد خرجين المعاهد و مدارس التمريض .. ده غير انها اخدة الجودة يعني الشهادة منها عالمية و تقدري تشتغلي في اي مستشفى برا مصر من غير معادلة او غيره ..
تربية بما انكـ علمي علوم هيكون متاح ليكي قسم علوم بيولوجي و جيولوجيا او قسم كيمياء و فيزياء ..
الكلية عملية و فيها معاملها الخاصة و بتحصلي ع شهادتين بكارليوس تربية و بكارليوس علوم .. يعني لو عايزة تكملي دراسات عليا الكليتين متاحين ليكي ..
الحلو في تربية انكـ بتشتغلي بشهادتكـ و لو ليكي رسالة كمعلمة مش كمدرسة .. هتنجحي اوي خاصة انكـ هتخدي ثواب كل طالب او طالبة اخدك كقدوة حسنة و كذلك هتخدي سيئات و ذنوب لو اخدوكي كقدوة سيئة .. و متنكريش اننا في يوم قلدنا المدرسين بتوعنا سواء ضرب ع الايد - اللي هتتعلمي في تربية انه غلط و ممنوع- .. ده غير انكـ هتستفيدي بيه في تربية اولادكـ هتلاقي نفسك #عالمة في تخصصكـ بسبب كترة المواد العلمية اللي مناهجها محطوطة من مراجع عالمية و دكاترة من زراعة و علوم و طب ..
و كمان هتكوني #تربوية تعرفي تكافئي و تعاقبي و تعدلي السلوك و غيره
و تربي عيالكـ و عيال الناس .. بس خدي في الاعتبار ده عشان تاخدي ثواب من ربنا ..
علوم لو عايزة تبقي باحثة علمية افضلها ليكي بحيث هتختاري المجال اللي عايزاه بالظبط و تتعمقي فيه اوي .. و تقدري تكملي دراساتك برا مصر خاصة انها اخدة الجودة .. غير كده لو عايزة تشتغلي كشغل في مجال الادوية او التحاليل او غيره .. هتعتمدي ع الدبلومات و الكورسات الخارجية .. عشان تبتدي تكوني مؤهلة لسوق العمل ..
كله بيعتمد عليكي في الاخر