ايها الزملاء الأفاضل
ليس من المعقول أن كل مدرسي مصر المحروسة لا يدرون ما اذا كان هناك تغيير في المنهج ام لا ؟ هل هذا معقول ؟ من المفترض ان بوابة الثانوية العامة هي صوت الوزارة اليس كذلك ؟ فكيف لا تعرف الوزارة ما اذا كان هناك تغيير ام لا ؟ حرام اللي بيحصل ده . المفروض ان التغيير كان يتقال عليه من العام الماضي . ايه شغل السلاحف ده . دي اسمه شغل بركاوي و ناس ماشيه يوم بيوم مهندهاش خطة واضحة عاوزين نتقدم بقه . الم يحن الوقت لكي يكون في مصر نظام معلوماتي صح . ناس تتصل بيها ترد عليك في ساعتها تقولك ايه الموضوع . مش الحيره اللي احنا فيها دي و كل واحد عامل فيها جيمس بوند او شيرلوك هولمز . ده يقول انا عرفت اسم الكتاب و التاني يقول انا جبت الصفحة الأولي . يا معلمي مصر اتحدوا . الوزارة تعاملنا علي اننا غير موجودون و ليس لنا رأي . فقط علم و ينفذ . زهقنا حرام . مش عاوزين يقولولنا هما فاكرين انهم بكده بيتعبوا مدرسي الدروس الخصوصية . انا عارف الطريقة دي .طيب و اللي مبيديش دروس و عاوز يدرس المنهج و يحضره قبل المدارس . او اللي عنده ابن و عاوز يذاكرله ؟ حد يرد علينا . حد مسئول هنا يقول حاجة.
|