[ahmad khalid]

فى ناس سألتنى قبل كده عن الكتب الخارجية و مردتش عشان كنت مشغول شوية و اليوم هحطها هنا عشان الكل يستفيد
العربى كنت شغال من كتاب الاضواء حل و مذاكرة هو ف النصوص مسيح الكلام شوية بس جايب كل حاجة و ف الادب رائع زى كتاب المدرسة بس منظم عنه و ممكن برده تجيب الامتحان تحل منه لو انت بتحب الحل الكتير
الانجليزى جيم + ذا بست و ممكن جيم لوحده يكفى
الفرنساوى برافو شرح بس عيبه انه فى بعض قواعد الجرامر مش جايب كل الحاجات فيها فدى تبقى تذاكرها من ملزمة المسيو بتاعك
الرياضة المعاصر + لامى المعاصر عشان الشرح و لامى تحل منه و برده هتلاقى فى اسئلة ف المعاصر ابقى ابدأ بيها
الكيمياء الامتحان اسئلة + الوسام شرح بس مش حلو اوى فممكن لو لقيت الامتحان شرح نزل السنادى تجيبه
الفيزياء الامتحان شرح و هتلاقى فيه جزء اسئلة و ممكن تجيب معاه الوسام اسئلة لو بتحب الحل الكتير
بس نصيحة لو عايز فى اى مادة تجيب كتب كتير اشترى كتاب رئيسى و الباقى هاته قديم من اى حد قريبك او جارك عشان لو ملحقتش تحله متندمش و تحس ان الفلوس اترمت ف الارض
بالتوفيق لكم جميعا و ان شاء الله كلكم تبقو دكاترة و مهندسين زيينا