فين التعليم الدينى والمعاهد الازهرية
ببلدنا
من اهتمامتنا ؟
فين الاهتمام بحفظة القرءان والتلاميذ المتفوقة فى المعهد الدينى؟
ليه بتحول من الأزهر وانت عارف انه ما فيش بديل
هيعلمك امور دينك وشريعة الاسلام أفضل من الأزهر
ليه بتحول وانت عارف ان طالب الازهر عنده فرصة يدخل ثانوى ويدخل كلية
ولكن عشان مطلوب منه انه يجتهد وما يغشش بدأت تحول؟
ولا بتحول بحجة انه فيه سلبيات هى نفسها اللى موجودة فى كل قطاعات التعليم
ولا بتحول عشان بتقلد غيرك
ولا بتحول عشان الولاد مش حابب يحفظ كلام ربنا
لو فيه سبب علمى او منطقى يخليك تحول لولادك قبل ما تقوله راجعة مرة واتنين وتلاتة هتلاقى المسألة كلها تقليد ومعظم اللى بيحولوا عالم كسالى بيكسلوا يراجعوا ويذاكروا لأولادهم ولو سألت الواحد فيهم كم مرة قعد تذاكر لأولادك او حتى تراجع وتشوف اللى هم بيأخدوه فى المعهد أو الدرس
ربما يقولك نادر جدا لو حصل!!!!!!!!
لو كل انسان فينا بس يؤدى دوره هيلاقى ان مفيش مجال للتذبذب والتحول و هيثبت على مبدأه لانه مش هيكون محتاج رأى حد او يقلد حد
هيكون خلاص عرف سكته الصح
الناس اللى بيحولوا ما بيفكروش غير فى نفسهم وبس
وما استحق أن يعيش من يحيا لنفسه فقط
التحويل من الازهر ليه ابعاد خطيرة جدا
لانه على مدار كم سنة من التحويل وانخفاض أو انعدام نسبة المتقدمين سيتم اغلاق الالاف من المعاهد التى كانت توفر علينا كثيرا من المال والجهد والوقت والسفر لاماكن بعيدة
فضلا عن فقدان المحتوى التعليمى الدينى المتكامل الذى كان يقدمه الازهر
حتى يعرف الطالب أمور دينه صح
- أي جهة تعليمية وتربوية غير الازهر تستطيع ان تصدر وتوفر اجيالا واعية من الدعاوة والوعاظ ومدرسى القرءان الكريم والمواد الشرعية؟؟؟؟؟؟
صرنا نهتم بكل شىء ونحرص على كل شىء وجعلنا ديننا اخر حاجة نفكر فيها؟!!!!! انا لله وإنا إليه راجعون
اللهم لاتجعل مصيبتنا فى ديننا ولا تجعل الدنيا أكبر همنا ولا مبلغ علمنا
اللهم ردنا إلى دينك مردا جميلا