[mohamed-khalaf]

المشاركة الأصلية كتبت بواسطة Duke Tefa

وياريت سؤال تاني
بالله عليكم
تطمنوني امتحانات الرياضة جاتلكم سهلة ولا صعبة
يعني اقصد اني الامتحانات فيها مسال من خارج المنهج او تراكمي او فيها شوية تركيز ولا ايه
افيدوني

بص انسي حكاية صعب وسهل دي كانت لما كنت بيبي في 2ث وفي 1ث انما دلوقتي انت هتبقي باشمهندس
فمتقليش صعب وسهل الصعب والسهل ده بايدك انت والله انت لو مذاكر كويس وعندك ثقة في ربنا الاول ثم في نفسك الامتحانات هتبقي معاك زي السكينة في الجاتوه -- طب ايه رايك انا دخلت امتحان الفقه السنادي وانا عامل نفسي هنزل فيه لانه كان صعب جدا وهوه يعتبر اتقل ماده عندنا بس سبحان الله قبل ممسك ورقة الاجابة جتلي ثقة ربانية وقلت الامتحان ده ححله ايا يكن وفجاه ببص في الامتحان وعينك متشوف الا النور امتحان حاجات اول مرة اشوفها اه والله تاريه حصل تعديل عالمنهج وانا معرفش فبقل للمراقب الحاجات دي مش مقررة قلي انا مليش دعوه بمقرر ولا غيره والسؤال كان عليه 14 درجة وانا والله ماعرف عنه حاجة بس استعنت بالله ووثقت نفسي خالص وقلت ححله يعني ححله وفعلا قعدت الف واكتب كلام ملهوش علاقة بالموضوع اصلا وفجاه بعد النتيجة الاقي نفسي مقفل شفت الثقة بتعمل ايه
ومتخافش يا عم الامتحانات بتاعت الرياضة مش عايز احلفلك انه افكارها مش بتخرج من كتاب المدرسة اه والله بيبقي فيه سؤال واحد بس فيه تركيز انما الباقي كله مباشر واطمن خالص خالص الامتحانات بتيجي في مستوي الطالب المتوسط بل ساعات الضعيف اه والله لو شفت امتحان التفاضل بتاعنا هتقعد تضحك علي اللي كتبه اخد معايا نص ساعه حل فمتقلقش ومتفكرش في الامتحانات خالص انت لسه في البداية متشغلش دماغك بالكلام الفاضي ده كل اللي عليك انك تذاكر وبس