كشكول تحضير لغة انجليزية ابتدائي في الازهر (طلب مساعدة)
السلام عليكم و رحمة الله و بركاته
انا مدرسة لغة انجليزية معينة حديثا بالازهر وتم تعييني في المرحلة الابتدائية و انا خبرتي و شغلي كله اعدادي و ثانوي و كورسات في مدارس خاصة
و طبعا الفر شاسع بين المدارس الخاصة و الازهر
المهم انا بقي لايصة في كشكول التحضير انا كنت باحضر الكتروني و كان الكشكول بيبدأ كالتالي
قائمة الفصل
جدول الفصل
توزيع المنهج
اهداف اللغة الانجليزية
اهداف المرحلة
و بعد كده يبدأ تحضير الدروس
و بالنسبة لكشوف اعمال السنة بتبقي مطبوعة و بنحطها في بورتفوليو
طبعا عرفت ان التحضير في الازهر كتابي و ان الكشكول بيكون مختلف عن كده خالص
كمان بالنسبة لتحضير اول حصة في العام الدراسي بتكون ايه؟ خاصة لاولي و تانية ابتدائي
فصولي هي اولي و تانية و رابعة و ستة
ممكن تساعدوني ؟
كل عام و انتم بخير
|