[moh_mad38]

يا جدعان !!!!!! انا بضيع ومش عارف اعمل ايه
عندى مشكلة فى المذاكرة ومش لاقيلها حل
انى ببقى عايز ازاكر واقعد وامسك الكتاب ومفيش فايدة مش قادر ابدأ مذاكرة اقعد اقرا قراية من غير فايدة
لكن انى ابدا اشتغل بجد واركز مش ممكن مستحيل مع انى بحب المزاكرة وفاضى ومفيش اى مشاكل بالنسبالى وكل حاجة حلوة والمواد ساهلة وزى الفل
لانى لما بينزل على الوحى (وده مره كل عشروميت سنة ) ببدع فى المزاكرة وبفهم واحفظ واحل وكل حاجة يعنى معنديش اى مشكلة فى اى مادة لا حفظ ولا فهم وانا متأكد من كده لانى بشوف الاسئلة الصعبة والساهلة انا اخر مرة زاكرت قعدت احل فى كتاب الوسام فيزيا وفيش حاجة وقفت معايا خالص ومرة غيرها زاكرت جيولوجيا لقيت نفسى بحفظ كويس وبدقة كمان وبحل كل التدريبات اللى عالدرس واجابات نموذجية ! بس ده بيحصل مرة كل عشروميت سنة بجد مش عارف ايه السبب وانا شايف زمايلى بيذاكروا طول اليوم ومن غير اى حاجة (وفى الاخر محدش بيحصل قدى لو ذاكرت) حد يجدعان يساعدنى انا بضيع