[الأستاذة ام فيصل]

المشاركة الأصلية كتبت بواسطة سيلفانو

اضحك متقولش ظروف
اخرج من قفص الخوف
لو راضى بذل حالك
هتموت مجروح ملهوف

لا ترضا باللي يهينك
ولا اللى يبكي عينك
اصنع الضحكه لحالك
ده طريق فرحك معروف

عيش الباقى بكرامتك
ده هي فالدنيا امانتك
كلمه واحفظها فبالك
حواليها لف وطوف

لا تقبل يوم مغرور
ولا حد يعيشلك دور
انه جريح مكسور
ويرشق قلبك بسيوف

لا تمكن حد منك
عيش بس للى منك
اللى ضامنه وضامنك
ياما هتعيش وتشوف

خليك فثبات الصخره
خليك واقف كالشجره
خلي حياتك حره
وابعد عن قفص الخوف

بقلمى ...mr..nooor

اهلا بمشرفنا المهذب نورت ابداعات بابداعاتك الجميلة

يشرفني ان اكون اول من يرد على قصيدتك الرائعة
والتي تحمل بين جنباتها الحكمة والدعوة الى التحلي بالشجاعة

دمت مبدعا

تحياتي