[صوت الحق]

استكمل الحديث كما قله لى عمى بعد اجابتكم على السؤال

ما هى وظيفة الناشط وماذا قدم للمواطن والبلد ؟

قلت له رجل يثير القضايا السياسية ويريد التقدم لهذا البلد ويريد رفع الظلم عن الناس الغلابة

ضحكة ضحكة كبيرة وقالى انت عبيط يابنى ولا بتستعبط

قلت له ليه يا عم الحاج

قالى كيف يتكلم عنى من يجهلنى ولا يعرف عنى اى شيء

هل يعرف مما تتكون القرية

كل اللى يعرفه شوية بيوت وغطان فقط

هل يعرف انى القرية تتكون من مجموعة احواض زراعية كل حوض له خصوصيته فى الزراعة اللى ينفع هنا لا ينفع فى الاخر وكلهم فى نفس البلده

اذا كان بيتكلم فى السياسة نناقشه ونشوف هيفهمنى ولا افهمه انا

قلت له يفهمك الراجل بيطلع فى التليفزيون

قالى ما هو بيبيع كلام فقط ولا يدرى ما يقول ولا عنده حلول لاى مشكلة كل بضاعته كلام فقط لا غير

وكمان لا يعجبه اى شيء ماشى عكس على طول

قلت له ازاى

قالى تحب نبدأ من اين

قلت خلينا فى ثورة 25 يناير علشان مندخلشى فى التاريخ العميق شوية

قالى من ليس له تاريخ ليس له اصل ولا حاضر ولا مستقبل

قلت له كلمنى عن ثورة 25 يناير كما تراها انت

قالى حاضر هكلمك على اللى انا عايشه ولامسه بنفسى بدون زيف ولا رياق لأنه لا يعنينى مرسى ولا السيسى كل ما يعنينى هذه البلده التى عشت فيها ما يقرب من القرن وبعونه سوف ادفن فيها

قلت له بعد عمر طويل

ابتسم اطول من كده ايه

قلت ربنا يعطيك الصحة

قالى صلى على الحبيب وافتح لى قلبك وعقلك واسمع منى هذا الكلام

قلت توكلنا على الله وسوف نستمع الى السياسة التى يعيشها الناس مش بتوع الفضائيات

وألقاب خبير وناشط وخلافه

وللحديث بقية