[صوت الحق]

وللحديث بقية

نبدأ كلامنا بعد الصلاة على حبيب الله سيدنا محمد وعلى أهله وصحبه وسلم

اسمع يا ابنى

اللى ميتعلمش من الماضى وتجارب الاخرين يبقى لا يفهم اى شيء

نمشى واحده واحده علشان نفهم

قال رب العزه فى محكم اياته الكريمة

بسم الله الرحمن الرحيم

وَلَقَدْ كَرَّمْنَا بَنِي آدَم وَحَمَلْنَاهُمْ فِي الْبَرّ وَالْبَحْر وَرَزَقْنَاهُمْ مِنْ الطَّيِّبَات وَفَضَّلْنَاهُمْ عَلَى كَثِير مِمَّنْ خَلَقْنَا تَفْضِيلًا

صدق الله العظيم

ايه تكريم ربنا للإنسان هو العقل

لما الثورة قامت تقدر تقول لى مين قائدها

قلت له ليس لها قائد الكل شارك فيها كل طوائف الشعب

قالى علشان كده الكل بيحاول يجذبها له وهو بطلها وقائدها

ومنفذها لولاه لما نجحت الثورة

سؤال يفرض نفسه علينا

لماذا قامت الثورة

قلت علشان نرفع الظلم ونعيش حرية ونحقق العدالة الاجتماعية

تمام يعنى علشان تبنى البلد علشان تعيش عيشه كريمة

لما انت عاوز تعيش عيشة كريمة بتحرق البلد ليه

ايه ذنب اقسام الشرطة علشان تحرقها

والمكن بتاع البنوك ومبانى المحافظات

هو الاقسام اللى عزبتك وأهانتك ولا فرد الشرطة

نفهم من كده الثورة بدون قائد ولا تخطيط الكل بيحاول يجذبها لنفسه

وكده اصبح الوجود للأقوى والضعيف هيجيب من يساعده

وكده اصبح الصراع بين الاخوان وبتوع الدقون ( يقصد السلفيين ) والناشط بتاعكم والبلطجى وكل اشكال التنظيمات

واستغلوا حاجة الناس وكل فئة طلبت بحقها وهو اصلا فيه فلوس للكل

سرقوا مصر فى عهد حسنى بالقانون اللى عملوه علشان يسرقوا البلد

وحضرتهم جم كملوا على الباقى

والشعب اللى ضاع فى النص

وبكده فشلت الثورة بايدى من يدعون الثورة

بدليل لما مبارك مشى حصل شوية مجازر علشان يجدوا تهم يوزعوها على اعدائهم ويقولوا حكم العسكر

هو مين اللى بنى مصر مش محمد على هو كان ايه مش عسكرى البانى

جمال عبدالناصر والسادات ومبارك مش عسكر

يوجد لهم اخطاء ولهم عيوب وكمان لهم مميزات وانجازات

لكن مش خاين للبلد مهما عملو مش ممكن يخون البلد ابدا

زمان لما قامت ثورة 23 يوليو كان ليها اهداف وناس مخططه لتنفيذها

فيه ناس اضررت منها وناس استفادت منها وهم اغلب الشعب

يابنى نفسى تفكروا شوية وتكون الذاكرة حاضرة

هل الصدفة اللى جعلت تونس ومصر وليبيا وسوريا

واليمن كلها ثورات مع بعض

ومن قبلها العراق واليوم السعودية وإيران

ايه يا عم الحاج بتجيب الكلام ده منين

يا ابنى هو التعليم فى المدارس وبس

اكبر تعليم فى الحياة

علشان كده ضيعتوا الثورة من ايديكم وسلمتوا البلد للإخوان

ومكنشى قدام المجلس العسكرى غير هذا الحل لانه بيحب البلد وبيخاف عليها

اللى هما العسكر الخاينين واللى لازم ندمرهم

وخلى بالك حلال الامس حرام اليوم

ومن نفس الكاس شربت يا معلم

سوف احل لك هذا اللغز فى الحوار القادم

مع تحيات الفلاح الفصيح