يا حضرات المستمعين ...........*
ما تيجو بشويه هدووء
نفهم سوا
لمين أتقال ... أنتو مين
للمحرضين
للمندسين
للخونه والأرهابيين
وللمستخبيين تحت جلدنا
والضاربين تحت الجزام
والخاطفين رزقنا
أنتو مين ...
وعايزين أيه
ليه بتحرقوا حلمنا
ليه بترعبوا نفسنا
ليه بتقطعوا قلبنا
أنتم مين ...
مش هتقدروا تضلموها
صوابعنا شمع وهنقيدوها
لجل تنور ياوطن
وهنعدى بيك المحن
ومهما كان ليلكم غميق
نور الفجر هينور
وهيبقى مكركم سراب
وبأدين الشباب هنعمر
وبسواعد الجنود هنحميها من الخراب
يبقى يا أنتم محدش فيكم هيقدر يدمر
مصر ياولاد هتعلى بيكم
مصر ياولاد بتنادى عليكم
سيبكم من الأفاعى
ده ريسكم رفاعى
هيطلعها من الجحور
ويترمها رغم نابها وأنفها
ومهما كان عنفها
فى رجاله زى الحديد
بهدوء بتابع من بعيد
وفى الوقت المناسب
كل مين أنتو هيتحاسب
والوعده على الرجال
دين فى الرقاب
ومحدش هيفلت من العقاب
ومصر فاتحه دراعتها للأصيل
والى هيبنى ويعمر يانيل
وخلو بالكو يا أنتم
كل وساخه لازمها غسيل
يعنى مش هقول أى كلام
ولا هطبل ولا أقول تمام
بس كان لازم أفهم
يا حضرات المستمعيين
لمين أتقال أنتو مين ..............*
الشاعر مختار فوده
24 فبراير 2016