[الاستاذ خالد زلط]

والله حضرتك السؤال ده بيتسال علي طول وحل المشكلة دي طبعا بيكون صعب خصوصا لو الطالب عاوز لسه يتأسس في وقت متاخر ولكن قدامه الفرصة طبعا لانه اذكي من المرحلة اللي كان مفروض يتأسس فيها
ورسالتي لاي طالب تتمثل في الاتي :
1- ابدا القواعد من الصفر (من دراسة الازمنة الاساسية )بس كلها وعلي قد منهجك علشان ما تتلخبطش
2-احفظ كلمات كتييييييير واظن المنتدي عامر بالمذكرات الل تنفعك في هذا الموضوع
3-بطَّل كره للمادة لانك لو عرفت المادة صح هتحبها وهتحس بلذة كده لما تعرف حاجة جديدة مثلا
4-اعرف تراكيب الافعال وتراكيب الجمل وده طبعا من الممارسة الكتير
5-حل تمارين كتيييييييير هتقابلك افكار لو فهمتها كلها هتقل فرص تعرضك للخطأ
6-في دروس كده زي الاكسسوارات مع انها اساسية والله لكن يلا هنقول ايه مش مطلوبة مننا ولكن معرفتها ضرورة بالنسبة لواحد مثقف او حصَّل من اللغة كتييييير مثل درس الجمع الشاذ وبعض الروابط اللي ولا عمرك هتشوفها في جمل لانها rather formal
7-اتدرب علي الاسئلة المهمة والمفتوحة زي البراجراف والترجمة والمواقف وسؤال المتحدثين والاماكن
8-ادَِي الانجليزي حقه في المذاكرة وما تهملوش احسن تنساه
9-اشتغل من كام كتاب خارجي مش واحد بس لانهم بيكملوا بعض ،طبعا ما هي #تجارة بقا
10- يوم ما تعطل معاك حاجة فانا موجود دائما وفي الخدمة ما دمت حياََ
تحياتي