اقتباس:
المشاركة الأصلية كتبت بواسطة رفيقة الامل
انا حليتهم ف الكتاب ف اسئلة حلوة
خصوصا الرسم والاختر
طيب يادكتور بالنسبة للمواد اللى ش بتضاف ع المجموع اعمل ايه فيها انا معرفش حااااااااااااااحة نهائى
وايه رايك ف مراجعات كايرو دار
|
المواد دي لما تكونوا زهقانين من المواد الاساسية ذاكروها، او في وقت راحة، اوعوا تسيبوها لليلة الامتحان، مع انها مواد مش بتضاف بس لو عملتوا كدا هتتوتروا، ومش طالبة توتر.
الاقتصاد: هتلاقيه متلخص ع المنتدى هنا اقرأي التلخيص او القوانين ونزلي امتحانين محلولين وشوفي حلهم ازاي وخلاص، هتلاقيهم هنا بردو.. ولو عندك مدرس هيراجعها في حصة احضريها
الدين: مفيش غيرها "قل هو الله أحد ..." كل سنة بكتبهالهم، ولما احب ازود شوية بكتب سورة الناس
هما هيتثبتوا مش هيعرفوا يعلموا عليها غلط، هيستحرموها
وفي الاخر جبت 18 من 20 في الدين تخيلوا
اقرأوا قصص الصحابة اللي في اخر الكتاب عشان بيجي عليهم سؤال في الاخر لازم، واحفظوا الاحاديث وخلاص..
وفي ناس بيحفظوا السورة دول براحتهم، وفيه ناس حافظاها اصلا قبل كدا دول ربنا يبارك فيهم.
.......
كايرو دار كنت بشوفها في مراجعاتها في العربي بس كانت ممتازة، بس مش كنت بشوف اللي نزلتنا السنة اللي فاتت، كنت بشوف فيديوهات 2014 عشان المدرس كان رايق كدا وعاجبني اسلوبه
باقي المواد لا...
بصوا من غير ماتعرفوا رأيي فيها حتى، لو حاجة هتفيدك ومحتاجاها فعلا شوفيها، لو مش هتفيدك مش تشوفيها.. مش عشان كايرو دار او الموقع الفلاني نزل مراجعة تبقى فرض عليكي تشوفيها يعني، او مش عشان الناس كلها بتروح دروس يبقى فرض عليكي تروحي زيهم يعني... خليكي صريحة مع نفسك، الحاجة اللي شايفاها صح و فيها مصلحتك اعمليها، من غير اعتبار لحد.