[شموخ مسلمة]

المشاركة الأصلية كتبت بواسطة dr.saeed

السلام عليكم ورحمة الله
ازيكم يا جماعة عاملين ايه؟
ندخل كدة فى شوية اسئلة محندقين على اد ارق ملاك
1
ايه اكتر شىء بتحبى تشوفيه
منظر الشروق و الغوب بحبه جدا
و بحب منظر البحر الصبح جدااااااااااا جداااااااااااااا و اى منظر جميل اكيد بحبه
2
ايه اكتر شىء بتكرهى تشوفيه
اى حاجة مخيفة او دموع اى حد عزيز عليا
3
ايه رايك فى امكانيات مخك وعقلك
الحمد لله كتير قالولى عقلى اكبر من سنى
4
ايه الى دايما بتصلحيه فى نفسك
انا عامة دايما بسال عن عيوبى وبحاول اصلحها اللى بقدر عليه اكيد بصلحها
مافيش حد كامل بس فى انسان كويس وانسان مش كويس
5
ايه الى انتى مش عارفه تصلحيه فى نفسك
انى بتاثر بسرعة بناس ماتستاهلش او بمعنى اصح بتاثر بكل حاجة و اى حاجة
6
ايه اكتر حاجة تخافى منها
الناس
7
ايه الى بيحصل ادامك ويخلى نبض قلبك يقف
كتير
منهم لو شفت حد مجروح من حاجة ومش قادرة اساعده
ولما بشوف اللى بيحصل فى فلسطين
و لما حد يعمل اى موقف مفاجئ ليا
و لو شفت موقف قاسى ع حد
8
ايه حلم حياتك
انى ابقى فعلا مسلمة بجد
و نفسى احقق هدفى من كلية العلوم
9
هل هاتقدرى فعلا تحققيه او هل هو فعلا على اد قدراتك
باذن الله
10
هل تقدرى تقفى فى وش دكتور فى الجامعة مثلا
اقف ازاى مش فاهمة؟!

11
هل تعتقدى النقاب فرض عليكى ام سنة من وجهة نظرك انتى؟
كويس اوى انك حددت من وجهة نظرى
انا صراحة سمعت ادلة ان النقاب فرض و اقتنعت تماما بيها
فانا لبسته لانه فرض_وانا مش بفتى انا بقول حاجة خاصة بيا_بس حتى لو سنة كنت هلبسه
12
هل تتخيلى فى يوم ان حلم حياتك يضيع منك؟
اكيد بفكر فى حاجة زى كده.. بس بحاول ابقى مرنة
13
وايه هايكون احساسك ساعتها؟
صعب طبعا صعب جداااااااااااااااا
بس اكيدهحاول افكر فى فرصة تانى او طريق تانى عشان اوصل للى عايزاه
14
هل بتحسى فعلا انك اكبر من ثقة الناس فيكى؟
هو متهيالى انت غلطت فى السؤال يادكتور
متهيالى و الله اعلم انكتقصد اقل من ثقة الناس فيا
المهم :انا بفرح اكيد لما الاقى الناس واثقة فيا بس ببقى خايفة انى مش اكون ادها
15
ايه اكتر حاجة ندمتى عليها؟

انى وافقت انكم تسالونى:D
لا بجد موقف حصلى من يومين بس معلش مش هقدر اقوله
16
ايه اكتر حاجة وجعت قلبك؟
اغنية الضمير العربى بس مش الكلمات المشاهد اللى فيها
و قصيدة اسمها اسمى فلسطين طفلة فلسينية بتقولها
و قصيدة فى زمن الردة و البهتان او بنعمى ادق الاساءة للرسول صلى الله عليه و سلم
و لما احس انى جرحت حد
17
موقف حسسك ب(الاستغباء)
الاستغباء غير الغباء
الاستغباء ده بقى انا بتعمد اعمله ..ليه؟
اولا لان فى ناس بتقول تلميحات بايخة فلو علقتلها تقول انا مااقصدش فهمتينى غلط فلما استغبى لاما هتقول اللى جواها لاما هتسكت و ساعتها هعرف انهم ناس جبانة
ثانيا فى كلام بستغبى فيه لانى عارفة انى لو علقت هتحصل مشاكل
انا بجد بعتبر الاستغباء نعمة
انما الغباء بيستفزنى
18
موقف حسسك بذكائك
الحمد لله كتير
بس ممكن لو واحد منهم
وانا فى 3 اعدادى كانت فى مسالة هندسة المدرس بتاعنا مش عرف يحلها مع انه كان ممتاز بس يومها سابنا وقالنا هحلها بعدين
انا يومها ماقدرتش اسيب المسالة يمكن عند مش عارفة
بس الحمد لله حلتها و شرحتها للمدرس او يعنى مش شرحتها يعنى قلتله الفكرة جاتلى ازاى و هو يومها فرح بيا اوى
وموقف تانى :ناس معينة حذرت اختى منهم و فى الاخر اتاكدت ان كلامى صح
19
موقف سببلك الم لغاية هذة اللحظة
انى جرحت حدمعين بدون مااقصد
20
اكتر بنت فى المنتدى ليها قدر عندك؟
بما ان اختى سجلت فهتبقى هيا و ايمان_بسكوتة_و همس المشاعر وسندريللاو سارة 2006 وملك اليمين و اسدات و هيام و كتييييييييييييير بس اكيد هما عارفين نفسهم
وماتقوليش كله لان كل حاجة وليها درجة
هو اكيد مش كله بس ناس معينة بجد ليهم معزة عندة
21
مين اكتر عضوة بيعجبك ردودها
برده كتير جدااااااااا ومش هفتكر و الله واحدة معينا
22
مين اكتر عضوه تحبى تتناقشى معاها فى المنتدى
ايمان لان مناقشتنا فى التليفون بتبقى جميلة
و اى واحدة تناقشنى انا عامة بحب المناقشة
23
مين اكتر بنت بتكلميها عموما؟
ايمان لاننا لاما بنتكلم نت لاما تليفون لاما رنات يعنى تقريبا لحظة بلحظة مع بعض
24
هل عاجبك المنتدى؟
اه .......بحب فيه اننا اخوات
25
ايه رأيك فى الادارة من جهة نظرك الشخصية وعلى راسهم الاستاذ اشرف
الادارة بدات تتصلح
26
مين اكتر عضو بتحسى انه مثقف
مش عارفة فى ناس مثقفين كتير ماشاء الله
بس سياسة اسلام_guide_ماشاء الله عليه بجد انا استفدت منه جدااااااااااا فى موضوع تعالو نتناقش
بس كثقافة عامة ناس كتير و الله منهم اسلام و احمد رضا و دكتور سعيد و ناس كتير بجد مش عايزة انسى حد
27
مين العضو الى انتى بتحسى انه عكس الاخرين بمعنى (انه حكيم ومش عصبى)؟
أحمد رضا
28
لو واحد باعتلك رسالة تعارف وانتى ماتعرفهوش هاتردى تقوليله ايه؟
هههههههه
سورى بس لو احتجت منى اى حاجة احنا كلنا اخوات
29
لو رسالة خاصة جالتلك انها من بنت وعاوزة ايميلك وبعد ما اتكلمت قالت (انا ولد) هاتعملى ايه وقبلها هاتقولى ايه؟هقول ايه :اتقى الله
وهعمل ايه:اجنور طبعا وممكن اغير الميل
30
هل ندمتى فى مرة انك اشتركتى فى المنتدى (انا عارف ان الاجابة نعم) السؤال بقى ليه؟
لانه اخد من حياتى حجم كبير زيادة عن اللزوم بس باذن الله ياخدحجمه الطبيعى
و برده لانى جرحت حد من عليه
هل مرة صغرتى ادام عينيكى؟
اه
يعنى نفسك صغرت شوية او حسيتى ان قدرك اتهز؟
اه
31
هل مرة حسيتى ان ثقتك قلت عند بنت؟
مش فاهمة!
32
ايه ردك لو بنت صاحبتك قالتلك انتى بتحب الواد كذا وانتى اصلا حتى مش معجبة بيه؟وهل حصلك فعلا وعملتى ايه؟هو غالبا مش بيحصلى حاجة زىكده بس يمكن حصل مرة تقريبا......ماعملتش حاجة لانها مش قالتها صريحة فتجاهلت الموقف
بس اتضايقت شوية لانها المفروض تبقى عارفانى
33
لما واحد بيسيىء للدين ادامك بيكون ايه احساسك؟
احساس لا يوصف طبعا
لو حاجة اعرفها برد عليه لو مش اعرفها بحاول اخليه يسكت
بس بلون نفسى انى مشرديت عليه
34
مين اكتر مدرس هنا شوفتيله مجهود
هو انا اصلا مش بدات ادخل القسم التعليمى الا متاخر
بس صراحجةماشاء الله دكتور هشام بجد تعب مع الكل اوى
35
اكتر مشرف(ة) بتحترميه(ا)
مشرف:أحمد رضا
مشرفة:ميس رانيا و فتاة الاسلام
36
اكتر كائن بيسمعلك؟
مش عارفة بس ممكناختى و ايمان صديقتى اللى هيا بسكوتة لان اىحاجة بتحصل لى بقولهالهم ....
37
مبن الاقرب الوالد ام الوالدة؟
الاتنين نور عينى
38
بيكون ايه احساسك لحظة الوداع؟
ع فكرة انا اصلا مش بحب كلمة الوداع دى يعنى ممكنلوسمتها منحد حتى لو بكرهه بس بتعب نفسيا
احساسى ساعتها مش عارفة انا يمكن مش ودعت حد بس متهيالى اناممكن يحصلى حاجة لو ودعت حد
39
بيكون ايه شعورك لحظة اتخاذ القرار بالفراق؟
ايه ده ليه بس كدهمش بحب افكر فى الحاجات دى
بس انى اخد قرار الفراق يبقى ده حكم عقلى اكيد قلبى بيبقى بيتقطع
40
بيكون ايه شعورك لو عرفتى انك صدمتى انسان وجرحيته جامد بدون قصد؟
بكره نفسى
41
بتعملى ايه لما بتكونى عاوزة تعملى حاجة وانتى شايفه انها صح وفرض عليكى والكل معارضينك؟
لوحاجة ينفع اعملها حتى لوهما معارضين بعملها
لومش ينفع بحاول اقنع اللى مسئولين عنى اللى هما بابا وماما
42
لو حصل لا قدر الله يعنى اتكتب كتابك من واحد يشهد له بالاحترام ومرة واحدة عرفتى انه من الى بيكتب كتابهم كل فترة ويفسخه عشان يبقى ماشى وخلاص فى الحلال هايكون ايه شعورك؟
هعمل ايه:حسبى الله ونعم الوكيل مش اكتر بس طبعا مش هرتبط بيه
43
لما قررتى تسيبى المنتدى كان ليه؟
قلت السبب كتير
لانى حسيت ان اخواتى بيتخانقوا سوا و ده كان بيتعبنى نفسيا
44
ولما رجعتى كان ليه بردة؟
لانىماكنتش متوقعة ان فى حد بيحبنى كده
و بسبب ترافل_معلش يابنتى انا عارفة انكتعبتى من كتر مابقول اسمك_
و لان رد استاذ اشف حسسنى انى صغيرة اوى مش عارفة ماكنتش نتوقعة الردود صراحة
45
هل حسيتى بضعف لما رجعتى فى القرار؟
انا اصلا مش بحب ارجع فى كلمتى فاكيد كان صعب عليا انى ارجع فيها و حسيت بنوع من الضعف اكيد
46
حل حسيتى ساعتها ان مكانتك عند الاعضاء اكبر مما كنتى تتوقعى؟
اه اكبر بكتير مماكنت متوقعاها
47
اخر مرة حسيتى فيها انك اتفهمتى غلط امتى وليه حسيتى بكدة؟
انبارح اللى هو الاحد
و ليه لانى حسيت انى اتفهمت غلط:Dمش عارفة احساس
48
موقف نفسك تتراجعى عنه بس فات وقته للاسف؟
لا الحمد للهمافاتش وقت حاجة
مادام لسة عايشة يبقى ربنا يعننى
49
ايه المهنة الى نفسك تكونى فيها؟
مخترعةودكتورة فى الجامعةو باحثة عامة
50
ايه هى احب البلاد الى قلبك؟(مصر.السعودية(عشان مكة) ام غيرهم؟)
لو بالترتيب تبقى مصر _السعودية و فلسطين
اى رد حسيت انك ما فهمتوش هابقى اوضحة بعدين بمثال وانتظر ردك فيه

كفاية كدة ونكمل 50 التناين بأذن الله

ما يلفظ من قول
الا لديه
رقيب عتيد

مابلاش موضوع ال50 سؤال دول ايدى وجعتنى
بس فى انتظار الاسئلة و ربنا يستر