[ElSayed Fekry]

المشاركة الأصلية كتبت بواسطة Mohamed_Hamza

حاول تبقى انت مصدر سعادة نفسك مش تستنى غيرك يسعدوك
وعشان توصل لكدا لازم تحس بالرضا عن نفسك وانك مش ناقصك حاجة بتكملهالك الناس.. فحاول تنمي تقديرك لذاتك
مثلا انت اكيد عندك هواية او موهبة.. مارسها و نميها عندك ماتدفنهاش
اشترك في رياضة بتحبها مثلا وخد فيها بطولة، مش لازم عالمية
اي حاجة تخليك فخور بنفسك اعملها، وصدقني هتنسى فرحة اللايك والتفاهات دي

ثانيا مش تستنى حاجة من حد، اعمل الحاجة من غير ماتستنى مقابل من الناس عشان متتعقدش، اعملها لنفسك عشان انت بتحب تعملها وبس

يعني مثلا نزلت بوست ديني او فيه نصيحة اعتبره تذكِرة ليك ولغيرك لوجه الله مش للايك، وعشان لما تقلب في بروفايلك بعدين تتعظ من الكلام دا.

نزلت مثلا بوست مضحك بردو مش تستنى حاجة، نزله وانت حاطط فدماغك ان محدش هيعملك لايك، عشان لو محدش عمل يكون عادي متأثرتش، ولو حد اتكرم وعمل لايك تفرح وتبوس ايدك وش وضهر وتنزل سجدتين للمولى

اقولك على حاجة احسن من دا كله، انت تلغي الفيس احسنلك والله هترتاح جدا

ومتهربش من الواقع، عشان كل ماتهرب اكتر كل ما هتتصدم اكتر بعد كدا.. فخليك فالواقع احسن ومتستغرقش في الاحلام الوردية اوي عشان ماتصحاش في الاخر على حقيقة مرة اوي

لقد انتابتنى القشعرينة شكراً يادوك على النصايح دى بس انا مش بستنى لايك على البوستات على فكرة على الكومنتات واللى بتكون فى بوستات غيرى كمان