[Mohamed_Hamza]

المشاركة الأصلية كتبت بواسطة ahmedtarea

فعلا فيه دروس مش راضيه تثبت خالص
الخلايا في الكيميا
صفحه في كل باب احياء
الباب الاخير فزيا
الجيولوجيا بتروح وتيجي
وادب العربي يجي كله فجأه ويختفي فجأه

ايوا الحاجات دي هي اللي تحل عليها
اللي مش ثابت دا هيثبت بالحل والتكرار ان شاء الله
الصراحة الجيولوجيا دي بالذات (من بين المواد العلمية) اللي كنت بحل علي الابواب بتاعتها حتى دلوقتي بردو كنت بحل اسئلتها درس درس... كنت بحس امتحاناتها سطحية بتعيد وتزيد في نفس الاسئلة ومبلاقيش فيها جديد ولا بلاقي الحاجات اللي بين السطور دي في الامتحانات،، فكنت بحل ع الابواب بردو مع الامتحانات... جبت كتاب الاول في شهر خمسة دا عشان اسئلته كتير وحليته كله + كتاب الامتحان مراجعة بامتحاناته.
فمعلش ضيف حل ابواب الجيو لقايمة الحاجات اللي تحل عليها، دا غير انهم بقوا يجيبوا معلومات تافهة الواحد مش بياخد باله منها ولا هتلاقيها في امتحانات السنين اللي فاتت.
غير كدا اقرأ النظري وحل امتحانات بس، الامتحانات في الفيزيا والاحياء والكيميا كويسة مش سطحية كدا..

كل دا كنت بكلمك عن المواد العلمية بس، عشان انت سألت عنها
اما الادب دا بردو لازم كل يوم تقرأه من كتاب الوزارة بس، هو كتاب الوزارة يسد النفس اه بس السؤال بنموذج اجابته بيكون منه، وفيه اسئلة بردو بقوا يجيبوها مش هتلاقيها في اي مذكرة، محدش بيحلها غير اللي قارى كتاب الوزارة، فانت خليك ماشي في السليم.