[مستر أحمد حمدى]

المشاركة الأصلية كتبت بواسطة كريم مختار

اخى العزيز سبحان من يرضي العباد
حضرتك بتقول 6 نقاط فيها صعوبة
منهم 4 تطبيقات ( طيب هى من كتاب المدرسة واضحة وصريحة ومش مكتوبة تحت عنوان معلومة اثرائية بل هى تطببيقات) و الجزء الممتع من العلوم ربط المادة بالحياة
و الميل من قانون اوم معروف انه المقاومة مع الربط بالرياضة يعرف مين الاكبر ميل
يتبقى السؤال بتاع فرق الجهد ودا جه ققبل كدة واكيد فكرته واصلة
اما موضوع النقل من الملخص فده مرفوض تماما
لكن عموما من وجهة نظرى الامتحان كويس
وكنت اقصد من تحاملك على الموجه ان من سيضع اى امتحان بعد كده هيكون تقليدى وهيخاف وهيريح نفسه
ولحضرتك كامل الاحترام

اخى الكريم انا مش معترض على التطبيقات او المعلومات الاثرائية
لكن معترض انه يجيب 4 منها فى الامتحان كان كفاية قوى 1
ثم الاصل فى المعلومات الاثرائية انها اصلا متجيش فى الامتحان
والا فليضعوها ضمن المنهج وخلاص
ثانيا : انا معترض على ان يجى شئ خارج كتاب المدرسة بحجة ان فكرته جات قبل كده
ثالثا : حضرتك أقريت انه نقل من كتاب الامتحان ودا الخطأ الأكبر
فكان يكفيه ان يحضر اسئلة من كتاب المدرسة اللى تدريباته كتيره جدا
ولو عايزين يحطوا اسئلة فيها فكره يحطوها فى اسئلة الكتاب
بحيث يبقى عند المدرس والطالب نموذج يدور على حلة ويدرب طلابه عليه
حتقولى دى جات فى امتحان 2013 حقولك مين لحق يخلص حتى امتحانات السنه اللى فاتت بس
عشان يلحق يخلص امتحانات 2013 ويمكن ميكونش معاه امتحانات قديمة