[رفيقة الامل]

المشاركة الأصلية كتبت بواسطة mohamed_hamza

كنت ابرد من الفريزر
حتى اول يوم في الامتحانات يوم العربي كنت رايح الامتحان كأني رايح امتحن امتحان شهر وراجع مش حاسه ثانوية خالص، ودا سر اني حليت فيه كويس.. الناس اللي دخلت على اعصابها دي محلتش كويس وشخبطت في التعبير وكدا..
الايام دي كنت مستعجل الامتحان يعني عايز الايام تجري بسرعة عشان امتحن واخلص..
وكنت بقول طالما ذاكرت طول السنة وتعبت يبقى ربنا مش هيضيع مجهودي عشان هو قال كدا في القرآن "إنا لا نضيع أجر من أحسن عملا"..

كنت في الوقت دا بردو بتمنى الخير لغيري زي مابتمناه لنفسي بالظبط، يعني مش مكنتش بحط فدماغي اني اجيب مجموع اعلى من فلان والكلام الفاضي دا... لا كنت اتمنالهم ربنا يوفقهم بردو. عشان كنت متأكد اني ربنا هيوفقني بسبب النية دي، اما لو قعدت اقارن نفسي بيهم مش هيغير حاجة دا فمجموعهم هما اولا، ثانيا النية اللي مش سليمة دي وحشة ونتيجتها وحشة، ممكن ربنا ميوفقنيش بسببها.

كنت في الوقت دا بردو مطمن لحاجة، ان ربنا من قبل مانتولد كاتب كل حاجة هتحصلنا، يعني اللي هيحصلي في الامتحان مكتوب والنتيجة مكتوبة والكلية وكله مكتوب، فليه اكتئب وازعل نفسي واتكبد العناء على حاجة مكتوبة قبل كدا خلاص؟ فالاكتئاب والزعل دا مش منه فايدة تضييع وقت وخلاص، فالتفكير دا خلاني بارد اكتر مانا بارد، كنت هتجمد..
وكنت بردو بقول لنفسي ان مهما يكن اللي هيحصلي فدا خير ليا لان ربنا اكيد هيوجهني للاصلح واللي فيه الخير ليا، يعني مثلا لو مجبتش مجموع الطب البشري فدا عشان ربنا عارف اني لو دخلت الكلية دي مكنتش هسلك فيها او مش هتبقى منسباني مثلا، او لو كنت دخلتها كنت عملت حادثة ومت مثلا وانا رايحها، فحكاية ان ربنا بيختارلي اللي فيه الخير ليا دي خلتني مطمن اكتر.
اهم حاجة برود الاعصاب عشان تعرفوا تركزوا اليومين دول، وعشان تعرفوا تحلوا في الامتحانات كويس بردو.

ربنا يكرمك يادكتور
واحنا كماااااااااااااااااااااان يارب
الواحد والله العظيم مش عايزة انه يوصل بس عشان امه وابوه
مش هاممنى حد غيرهم ولا حتى نفسى

بس الواحد هو مش عارف هو فعلا عمل اللى عليه ولا لا ؟؟؟؟
بس ثقتى ف ربنا كبيرة
وبقول دايما ان ربنا عمره ماهيساوى معاملته لينا زى معاملتنا مع ربنا
لانه هو ذو الفضل والاكرام علينا