[حيااااااااة]

المشاركة الأصلية كتبت بواسطة mohamed_hamza

ناموا 7 او 8 ساعات مش اقل من كدا
وحاولوا تظبطوا مواعيد نومكم من دلوقتي على مواعيد ايام الامتحاناات يعني معاد الصحيان تخلوه قبل الفجر..
اللي مش بيعرف يصحى ينزل برنامج alarmy ويخلي المنبه مايقفلش غير لما يصور صورة بعيدة عنه عشان كدا هتكون مجبر تقوم من السرير..
هو المفروض ان الاهل بيصحوا اليومين دول اصلا..
بلاش القهوة والنسكافيه ومشروبات الطاقة والهبل دا، بالذات من بعد الساعة 4 كدا عشان ميأثرش على نظام النوم، واللي مكنش بيشرب الحاجات دي قبل كدا يخليه زي ماهو، ماتعملش تغيير زي دا قبل الامتحانات..
بمناسبة النوم اوعى تسهر او تطبق ليلة الامتحان لو هتعمل كدا هتروح فداهية من الاخر يعني انا مش هتكلم كتير في النقطة دي.. انا اتلسعت من الموضوع دا لسعة محترمة السنة اللي فاتت، وادي انتوا اهو لسة فيها، اعتبروا نفسكوا جربتوا فيا بقى ومش تكرروا غلطتي دي تاني،
خلي نومك ليلة الامتحان كأنه يوم عادي خالص في معاده العادي..

بتصحي مدايقة من ايه شوفي ايه اللي بيدايقك وعالجيه، يعني انا مثلا السنة اللي فاتت لما اكون صاحي مدايق بكون ماذاكرتش امبارح كويس، فبحاول انهاردا اني اذاكر كويس واعوض اللي فاتني من امبارح وتاني يوم بصحى مبسوط.. جاتلي مناعة شوية في الاخر وبقيت اصحى مبسوط حتى لو ماذاكرتش امبارح كويس، بقيت ابدأ كل يوم كأنه بداية جديدة ليا، مش بفكر حتى ايه اللي حصل امبارح عشان غالبا هتعقد.. ودا احسن حاجة.

الامتحانات في العربي مش مهمة للدرجة، مش انتوا حالين اسئلة كتاب الرسالة ومعاكوا الرسالة ليلة الامتحان، خلاص كدا كفاية هما فيهم كل الاسئلة اللي هتلاقوها في الامتحانات اصلا... بس هقولكوا حلوا امتحانين تلاتة كدا عشان حاجة واحدة.. عشان تاخدوا على شكل الامتحان بس مش اكتر وتعيشوا جو الامتحان والكلام دا.. اللي هيصحح لنفسه ويلاقي نفسه ناقص عشرين درجة يبقى دا هيقفل اخر السنة ميخافش بقى ويحبط نفسه ع الفاضي..

التعبير هاتوا كتاب الرسالة ليلة الامتحان اللي عامله دا ساحر.. بيجيب مواضيع متوقعة وجه منهم موضوع منهم فعلا السنة اللي فاتت بس انا معملتوش انا عملت التاني فهاتوه وشوفوا المواضيع اللي هو جايبها وجايب افكارها شوفوا هو بيطلع افكار للمواضيع ازاي، والمعوقين اللي زيي (طبعا الكلام دا مش ليك انت خالص ) يحاولوا يقرأوا افكار المواضيع كلها يمكن فعلا موضوع يجي منهم وتكتب الافكار دي، طالما كتبت افكار هتعرف تكتب، الاصعب من الكتابة انك تجيب افكار، عشان لو جبت فكرة سهل تكتب فيها اي كلام، مش عارف هي اسمها افكار او فكر، عشان كدا كتبت "العناصر" في الامتحان، دا غير الاستشهادات اللي هو جايبها بتمشي في اي موضوع دي اقرأوها بردو.. وبعد دا كله اختاروا موضوع منهم واكتبوه..
وشوفوا الرد دا بردو يمكن ليه لازمة..



شدوا حيلكوا اوي الفترة دي، قلبي معاكوا والله.. تصوروا عايز امتحن بدالكوا بالذات بعد ماخلصت ثانوية واكتشفت ان قد ايه امتحانات الثانوية دي كانت حاجة تافهة
ربنا يعينكوا ويوفقكوا يارب..
ياريت اللي بيقرأ دلوقتي يدعيلي ربنا يشفيني لو سمحت

ربنا يوفقكك ويعافيك ،، بكون مدايقة عشان مخلصتش ،،