علي فكرة
الأمتحان حيكون بالقلم الرصاص( الله يرحم القلم الكوبيا )
يعني لازم تاخد معاك برَّاية
وانصحك ماتاخدش معاك أمواس
أحسن بعدين تعوَّر نفسك !أو الأمور تتطور!
وتجيب لنفسك مصيبة
وهيه مش ناقصة .. مش كفاية مشكلة الكادر
نسيت أقولك إبقي خد معاك جومة طرية
عشان ورقة إجابة جنابك حاتقعد تمسحها 50 مرة
إلا إذا كنت عارف الإجابة قبل كدة!!
أو لا قدر الله تكون الإمتحانات اتسربت!!
وبالمرة إبقي خد معاك ساندويتشين
يمكن تجوع في اللجنة
بس مش عارف حيسمحوا للاخوة المدخنين
أنهم يدخنوا ولاَّ لا ( الحمد لله لا أدخن)
أنا بس شايط !
هو إنتوا مش شامين ريحة الشياط ولاَّ إيه
دا أنا كنت باحسب الإمتحان حيكون علي الكمبيوتر
أتاري العملية سهلة خالص
وفي مستوي الأطفال الصغيرين
حبايب مامتهم
و بالرصاص كمان !
وكويس إنها ماطلعتش بالكوبيا