[أ/رضا عطيه]

المشاركة الأصلية كتبت بواسطة المصري أشرف

إنقــــــــــــــــــلابي وأفتخـــــــــــــــــــــــر

أهلا أستاذ أشرف

احنا انقلابيين والشعب راضى طب ليه هما زعلانيين ومقهورين

1-الأحزاب اللى كانوا بيزحفوا على بطونهم نحو الحزب الحاكم زمن مبارك أملا فى البحث عن أى مكسب سياسى

هما هما اللى قاموا بثورة وعندما بدا لهم حزب حاكم جديد مارسوا نفس مافطموا عليه وزحفوا على بطونهم أملا فى البحث على مكسب سياسى أيضا

هو دا اللى قرأوه فى الكتب السياسة (كيف تكون بديلا ) ولم يقرأوا (كيف تكون أساسيا) لأن هذا الأمر محتاج مجهود ونزول فى الشوارع والنجوع والقرى وهما مش فاضيين غير للكلام والشعارات

لأ وإيه ؟ كانوا بيطالبوا بمحاسبة مبارك على وأد التحرك السياسى والحزبى -- طب وبعد الثورة وبعد رحيله عن الحكم عملتوا إيه؟

2-ثوار اليوم منهم من كانوا من مهندسى وسماسرة الخصخصة - اختلفوا فى توزيع التورتة - فعمل ثائر عليهم والباقى صبحوا فلول

3- اللى شاركوا فى وضع سياسات الحزب الوطنى المنحل وبعدين اتغضب عليهم صبحوا ثوار وبيتحدثوا عن الحريات والديمقراطية المعلبة الأن

4- وأخيرا هى أول خطوات الإنجاز مش انشاءات تليها مراحل التطور التى من المؤكد سوف تساعد فى القضاء على البطالة --
ولايوقفوا المشروعات ويخلوا الموظفين بدل ماهما سته مليون يبقوا ستين مليون لمدة سنتين وتقع البلد على اللى فيها

ياعمنا دول خلوا الرئيس والوزرا وكل المسئولين فى البلد موظفين --- هى ناقصه موظفين ووقف حال

5- اللى اتربى على شعارات وثورة كانت حوارات كلام فى كلام لحد ماقفز الخروف ونطح الكل

إيه هتاخد منه غير الكلام -- مقضيتنها قصاقيص وتراكيب فيتشوب لصور وكلام على الفيسبوك وبس

لكن فى الشارع بيدخلوا جوه الحيط هربا من الناس -- تجده سبعا فى صفحتة وهره بين أهل حتته

وأنا أتشرف أن أكون مع الكتبتين اللى ماعرفشى عنهم حاجة لكنهم بيقولوا كلام صح واللى هيزعل يروح يستأذن من مميش ويشرب من مية القناة الجديدة أو من أى بحر أو بحيره عندنا منه كتير

(تحيا مصر أم الدنيا وجيشها العظيم وشعبها اللى إيديه معلمة على قفا كل مختل فكريا ووطنيا )


شكرا جزيلا أستاذ أشرف وجزاكم الله خيرا