[محمد محمود بدر]

قام الرئيس عبد الفتاح السيسي بإصدار قرار جمهوري بعزل المستشار هشام جنينة، رئيس الجهاز المركزي للمحاسبات!



القصة دي محتاجة نقف عندها كتير، دي سابقة تاريخية، أول مرة في تاريخ مصر كله السلطة التنفيذية ممثلة برئيس الجمهورية تعزل رئيس أكبر جهاز رقابي، وبدون أي توضيحات كافية للشعب أو حتى للبرلمان


خلينا نبدأ من الأول:

- بدأت الأزمة الأخيرة بعد تصريح المستشار هشام جنينة أن تكلفة فاتورة الفساد تقدر بستمائة مليار جنيه في الأربع سنوات من ٢٠١٢ إلى ٢٠١٥، والتصريح ده اللي كان بيقوله كان واحدة نتائج دراسة تشمل هذه الفترة عملها الجهاز بناء على طلب من وزارة التخطيط .. يعني مقالش ٦٠٠ مليار في سنة واحدة زي ما بعض الجهات الإعلامية أشاعت!


http://bit.ly/1olkMtH



- الرئيس السيسي أصدر قرار بتشكيل لجنة ضمت أعضاء من وزارة العدل والتخطيط والمالية والداخلية، لمراجعة بيانات جنينة.

هنا عندنا ملاحظات مهمة:

- أغلب أعضاء اللجنة من جهات السلطة التنفيذية اللي المستشار جنينة بيراقب عليها، وبعضها جهات وردت بتقاريره فهم خصومه أصلاً.

- للأسف الجماعة كانو مستعجلين يوضحو انهم نصابين، فصدر تقريرهم بعد ١٦ يوم فقط .. يعني انتم راجعتم فساد ٤ سنوات بقيمة ٦٠٠ مليار جنيه في ١٦ يوم بس؟!

- بيانهم قال إن التقرير مضلل وبيضخم من حجم الفساد ..
ماشي مفيش مانع،
ليه بقى مقالوش بناء على مراجعتهم حجمه الحقيقي كام؟ خلاص مش ٦٠٠، طيب هوا ٣٠٠ ولا ٤٠٠؟ طيب وهتعملو ايه معاه؟!
دي الأسئلة الأهم على الإطلاق واللي محدش طرحها أو أجابها حتى الآن!

- التقرير انتقد ان المستشار جنينة استخدم طريقة حساب "تكلفة الفرصة البديلة"، يعني مش فقط الفساد بالسرقة المباشرة، بل الفلوس الي خسرتها الدولة بإهدار الأموال أو استخدام مواردها.

لكن نفس هذه الطريقة معتمدة في جهات أخرى كثيرة بالدولة، منها أحكام قضائية كتير ببطلان الخصخصة بسبب البيع أقل من السعر حتى لو لم تثبت رشوة لحد، وآخرها بوضوح تام إنه آخر عام ٢٠١٤ رئيس الوزراء إبراهيم محلب حضر احتفال إطلاق "الاستراتيجية الوطنية لمكافحة الفساد" من هيئة الرقابة الادارية، واللي برضه قدرت التهرب الجمركي والضريبي بـ ٦٢ مليار جنيه عام ٢٠١٣ فقط، يعني بحساب الأربع سنوات هيكون ٢٤٨ مليار هي حصيلة بند التهرب الجمركي والضريبي فقط، وده يجعل رقم هشام جنينة منطقي جداً.

http://bit.ly/1Tgn4re


ليه محدش حاسب هيئة الرقابة الإدارية كمان؟!


هل هشام جنينة من شباب الثورة؟


يتبع