تحياتى اليكى يا هدى وايد فى ايد هانكون معا ومعنا المرسين والمدرسات فى كل مكان لوقف المهزلة الكبرى او مذبحة الوزراة للمدرسين
بالنسبة لما يسمى فديو كونفرانس فالعجب كل العجب للاشارة التى تم توزيعها اليوم فى المديريات التعليمية
وتقول ان التدريب على الامتحانات لكل المدرسين هايكون على فترات ولكل مجموعة ساعتين فقط للتعرف على نظام الاختبارات والتهريج وقلة الذوق والكرامة
المهم ان معظم من توجهوا الى الفديو كونفرانس النهاردة كانت اعدادهم غفيرة وحصلت ثورات وخناقات لسوء التنظيم وعدم احترام المدرسين الذين التزموا وحضروا ومنهم مدرسات حوامل وغيرهم
الاهم هوه ان المليارات اللى عمالة الوزارة تصرفها عمال على بطال كان الاولى ان هيه تصرفها على تشغيل مدرسين جدد وتوفرها للمكافات الوتزودها 240يوم ذى الازهر اللى احنا كنا بنقول انهم مش زينا واحنا احسن منهم
وكل هذا وهناك سؤال يطرح نفسة عن حقيقة هذه المهزلة فى حق مدرسين مصر
من الذى سوف يستفيد من هذه المهانة والمهزلة ؟؟؟ بلاها فلوس وبلاها قلة احترام للمدرس المصرى وكفاية الفضايح اللى طالتنا جميعا فى الدول العربية اللى احنا فضلنا عليهم فى التدريس ها يقولوا ايه وليه ؟؟ّّّّّ!!!
اكيد طبعا المسئولين مش فى دماغهم اللى همه عاوزينة بيعملوة وخاصة وزارة التعليم الفاشلة بلمتياز مع مرتبة الشرف الاولى واللى كانت نتيجتها بين زميلاتها من الوزارات الاخرى الفاشلة برضة انها استطاعت التفوق عليها ومجموعها اهلها للفشل بامتياز وعن جدارة واستحقاق
بل ان المستشارين اللى الوزارة جيباهم يساعدوها اجمعوا على هذا الفشل وقرروا ان تتم امتحانات الكادر فى المدارس والمديريات التعليميمة بكل محافظة وانا حاسس ان الامتحانات ها تكون فى المنازل ومفيش تنسيق ومفيش كادر وكله كلام فاضى
اخر حاجة انا حاسس ان العملية دى عبارة عن مؤامرة سوف ياتى عليها الوقت ليتدخل شخص مهم جدا فى هذا البلد فى الوقت والزمان المناسبين لكى يقول يا شعب مفيش اختبارات للكادر ومفيش كادر ومفيش ميزانية
وطبعا احنا على استعداد تام ناكل الطين والظلط بس كرامة المدرس لا يستهان بها ابدا ولا يمكن التلاعب بنا من اى شخص جعلة المنصب والكرسى يصاب بالجنون
وداعا رضا ابو سريع
وداعا الجمل
وداعا هلال
لكى الله يا مصر
حسبنا الله ونعم الوكيل
ولله الامر من قبل ومن بعد
|