19-09-2016, 09:09 PM
|
 |
شاعر ومترجم مصرى
|
|
تاريخ التسجيل: Jun 2008
المشاركات: 256
معدل تقييم المستوى: 17
|
|
الحق وعيشها بجد- سمير الأمير
لوكنت عايز صحيح
بين الرجال تِنعد
عيش حياتك وصون ذاتك
ولايهمك حَد
اوعاك تكون زى البهيم
ورا اللئيم تِنشد
أوعاك تدّور خد بعد الخد
ولا فى الغضب
ساعة الغضب تِنسد،
برق عنيك للى يعاديك واحتد
وافتح ايديك للى يناديك بالود
يكفى اللى فاتك
هد روحك هد ،
اكره بقى سجن الشقا
والبهدله والكد،
إطلق طاقات الروح
باب الحياه مفتوح
والعمرلحظه.. تروح،
فالحق.. وعيشها بجد
من ديوان " كلام بالصدفة وبالقصد" الصادر عن الهيئة المصرية العامة للكتاب- يباع بمنافذ الهيئة فى القاهرة والمحافظات
|