[محمد محمود بدر]

الحقيقة ورا سواق التوكتوك (منقول)





مقطع فيديو تم حذفه من شوية على حساب قناة الحياة الرسمي عالفيس بوك واليوتيوب .. وكان الإعلامي / عمرو الليثي قابل فيه سواق توك توك في سوق الخضار بمدينة السادس من اكتوبر من ضمن فقرة لبرنامج ( واحد من الناس ) .. واتكلم فيه السواق باسلوب عفوي وقوي عن مشاكل مصر الرئيسية والاصل فيها .. ورجع معظمها للفساد اللي مبهدل مصر ..


مرجع المقطع عاليوتيوب :
http://bit.ly/2dfbJVY

الخبر وصل للسي ان ان :
http://cnn.it/2dfaYwb





نص كلام السواق للناس اللي عندها الباقة بعافية ومبيشوفوش فيديوهات :
http://bit.ly/2dff33v



قناة الحياة رفعت الحلقة كاملة .. لكن عمرو الليثي طلع اذكى ورفع مقطع سواق التوك توك لوحده .. وبعد اقل من ساعتين على حساب عمرو الليثي كان الفيديو تخطى 2 مليون مشاهدة .. فادارة قناة الحياة اعادت رفعه على حسابها عالفيس بوك واجبرت عمرو الليثي لحذف الفيديو بسبب حقوق الملكية ..

سبب الحذف :
http://bit.ly/2dfbLxg




انتشر فيديو قناة الحياة وتم نسخه اكتر من مرة على اكثر من موقع وصحيفة ومدونة ده غير مئات الالاف من اعادة النشر على مواقع التواصل الاجتماعي .. وحقق اجمالا عدد مشاهدات فوق الـ 5.5 مليون مشاهدة على حساب قناة الحياة قبل حذفه ..

مرجع :
http://bit.ly/2dfbCd2


الناس العادية اتفاعلت مع كلام السائق البسيط خصوصا وانه يمس كل مصري ويعبر عن رأي غالب المصريين خصوصا في جمل قوية قالها زي ( مصر في التلفزيون فيينا وفي الشارع بنت عم الصومال ) .. وكتير جدا خافوا عليه وعاللي هيحصل له .. وناس تانية ملهاش تصنيف في سوق البشر دخلت تشتم فيه وفي القناة وفي عمرو الليثي وصنفوهم على طول انهم اخوان وخونة بالرغم التبعية الشديدة لقناة الحياة ومالكها والعاملين عليها للنظام الحالي .. فمثلا التعليقات عالمقطع نفسه وصلت 15 الف تعليق .. وبقى التريند على تويتر هاشتاج ( خريج التوكتوك )

مرجع التصدر :
http://bit.ly/2dfcXAw


اتصاعدت الاحداث واشتعل التفاعل للوصول لكبار المشاهير والساسة وكل واحد قال رأيه في كلام سواق التوك توك .. والاغلب كان موافق لكلامه منهم نجيب ساويرس .. الشيخ / محمد جبريل .. م / ممدوح حمزة .. نجاد البرعي .. الاعلامية / ليليان داوود .. الخ .. لكن كتير من المحسوبين على النظام الحالي اتهموا عمرو الليثي بفبركة الحوار من اوله ..

مرجع لتعليقات المشاهير:
http://bit.ly/2dfbbiY
http://bit.ly/2dfczSz


انكر عمرو الليثي الفبركة شكلا وموضوعا في تصريح صحفي وقال انه لقاء عابر اتسجل لمدة ساعة واتعرض منه ربع ساعة بس ..

مرجع الانكار :
http://bit.ly/2dfe9UC



المفاجئة المروعة ان مستشار رئيس الوزراء / تامر عوف اتصل تليفونيا بعمرو الليثي وطلب منه بيانات عن سائق التوك توك .. لكنه انكر معرفته بيه وقال له انه حتى ميعرفش اسمه الاولاني ايه .. ولما سجل معاه مشي بسرعة ..

مرجع :
http://bit.ly/2dfd4Mz


دخلت بدنائة صفحة وزارة الداخلية الغير رسمية عالفيس بوك واللي ماسكها ضباط داخلية واللي لها متفاعلين اكتر من صفحة وزارة الداخلية الرسمية ذات نفسها قالت ان سواق التوك توك بياناته كالتالي ..

اسمه / محمد جابر
مدرس اعدادى
كان عضو فى حزب الحرية والعدالة
عنده محل كمبيوتر
حماه ناظر مدرسة متحفظ عليها لأنها مدرسة اخوانية

مرجع البوست :
http://bit.ly/2dfdS4c



وطبعا بما انه عذر اقبح من ذنب فالهجوم عالبوست ده تاريخي في صفحة من اكبر صفحات تأييد النظام .. خصوصا وان كل الكلام ده لا يؤدي لشيء .. فعضوية الحرية والعدالة كانت مع ناس كتير وقلبوا عالاخوان .. وناظر المدرسة الاخوانية لا يمتلكها .. واللي عنده محل كمبيوتر مش اقطاعي او مليونير .. وكمان الراجل حالق دقنه بشكل شبابي بشكل شوية الشعر اللي تحت شفايفة واللي مبيعملهاش لا اخواني ولا سلفي .. فهو باين انه شاب عادي من بين ملايين الشباب المصري ..

صورة السواق عن قرب :
http://bit.ly/2dfcXk4


ابتدت حملات التشويه عالراجل وعيلته .. ومهابيش النظام نشروا صورة بيقولوا انها له ولعيلته في شرم الشيخ .. وطلعت الصورة لواحدة محترمة ردت عليهم بكل حزن ان الصورة دي بتاعتها وبتاعة جوزها وولادها .. ومالهاش اي علاقة بسواق التوك توك .. ودعت ربنا على اي سافل يشهر بيها وباسرتها ..

مرجع الصورة والرد :
http://bit.ly/2dfdEdd


أخيرا .. اكثر من صحيفة دلوقتي ناشره خبر البحث عن سواق التوك توك للقبض عليه http://bit.ly/2dfddj9 وطبعا التهم المفبركة كتير .. والراجل تلاقيه دلوقتي هربان وحاله حال الله يكون في عونه .. لكن التهمة الاساسية اللي كل العالم شافها باختصار ( انه كشف عورة النظام قبل ما يتحذف الفيديو ) .