[أ/رضا عطيه]

المشاركة الأصلية كتبت بواسطة tamer4

الغريب ان الاستطلاع هنا لفئة من الاشخاص ليس لهم علاقة بالغلابة غير المشاهدة
وبالتالى فلن يقول احد رأى مناسب ومحايد مثل رأى سائق التوكوك (المتهم بانه اخوان علشان قال رأيه)
افضل استطلاع يكون فى الشارع بين الفقراء والمهمشين والمناطق العشوائية والمطحونين .
انا مرتبى يتجاوز تصورات البعض تبعا لعملى ولكن من لا يملك احساس فليس الا حيوان فى شكل بشرى
(دكتوراة فى علم النفس السياسى).

عندك أولاد فى التعليم يادكتور وخاصة فى المرحلة الثانوية

صدقنى لوعندك طالب فى الثانوية حتى مرتبك اللى انت معجب بيه مش هيساعدك

صدقنى يادكتور

فيه ناس عندما يوصفهم الناس بالفقراء يشعروا بتحسن وروحهم المعنوية ترتفع

لأنهم تحت خط الفقر بمسافة كبيرة

أعرف واحد منهم ومش هقول لك على اسمه يوم السبت الماضى فاتورة الكهرباء والمياه شطبت على الرصيد الباقى من المرتب

وفجأة سمع سيارة وزارة الزراعة بتنده على لحمه

راح للمسئول عنها وقال له :
(ياريت لما تشوف رئيس الوزراء أو مندوبه أشكره على توفير السلع وتوصيلها لحد الباب وكمان قول له منك لله وفرت السلع ولم توفر الأموال اللى هنشترى بيها - فبقى الحرمان مزدوج)

مش كل الغلابة بيصدقوا كلام أهل العلم

عارف ليه يادكتور - لأن أهل العلم بيتفننوا فى توظيف الكلام لأهدافهم

الغلابة همابيقدموا كل التضحيات للبلد يوميا ولاحضرتك مش واخد بالك؟!!!

ففكرك غلبان بيضحى بنفسه وبأوراح أولاده ليحافظ على بلده هيمشى ورا المرفه ليدمرها

حتى فى تدميرها هو اللى هيشيل دمارها على دماغه مش المرفهين لأن طريقهم للخارج أخضر ومفروش بالترحاب

بلاش حكم على الناس تانى بلادليل

شكرا جزيلا