[aymaan noor]

اسالوا طارق عامر

سجل الجنيه المصري عقب تعويمه تراجعا ب 47,7% بقرار السعر الاسترشادي من بنك طارق عامر اسف البنك المركزي المصري , وانتهي اليوم الاول " تعويم " بتراجعه 81,8% حتي وقت كتابة هذا البوست

....طيب كل الدول اللي عومت عملتها عملاتها تراجعت نعم ده صحيح بس تعالوا - والحسبة لشبكة بلومبرغ - نشوف اما اتعومت عملات 5 دول كان مقدار التراجع كام

1- في 21 ديسمبر الماضي عومت اذربيجان عملتها واسمها المانات وفقدت في اليوم الاول 32,5% ومنذ ذلك التاريخ فقدت العملة 39% من قيمتها اللي كان مثبتها البنك المركزي

2- في 20 يونيو اللي فات حررت نيجيريا سعر عملتها النايرا وهبطت في اليوم الاول 30% ومنذ ذلك الحين فقدت 38%

3- في 17 ديسمبر 2015 حررت الارجنتين البيزو وخسر بس 25% ومنذ ذلك التاريخ بلغت الخسارة 27% فقط وارتفع الاحتياطي الاجنبي الي 33 مليار دولار

4- في 20 اغسطس 2015 عومت كازاخستان عملتها التينغ والمركزي ضخ 1,7 مليار دولار وقت التعويم عشان كده نزلت بس 20% ودعمت الاحتياطي الاجنبي لحد ماوصل 31 مليار دولار

5- روسيا في نوفمبر 2014 عومت الروبل ويدوب نزل 5% في اليوم الاول وحجم التراجع في عامين 32%
.......... طيب ليه عندنا حصل كده ليه بدانا باكبر تراجع 47,7% ؟ وان كانت كل الدول اللي عومت عملتها زاد تراجع العملة لاكثر من معدل التراجع في اليوم الاول فهل عملتنا ناوية تنزل عن 81,8% ولا ايه؟

شوف يا سيدي الدول اللي فاتت باستثناء الارجنتيتن دول تنتج النفط ومصادر النقد الاجنبي عندها تضخ في خزانتها يوميا ... احنا للاسف عندنا نفط بس مسلمينه تسليم مفتاح لشل وبريتش بيتروليوم وانبي وا****ي وهالبيرتون وبناخد الفتات

طيب بلاش النفط فيه سبب تاني؟ ايوه والله فيه عجز تجاري هائل واصل ل 48 مليار دولار , تراجع العائدات , عجز موازنة كبير , باختصار ممكن تسميه اقتصاد هش

طيب اما هوه هش ليه ما دعم الجنيه وقت تعويمه ؟ هوه ضحك علي الناس وقال هاضخ 4 مليارات واكتفي ب 100 مليون دولار .....طيب يعني قصده ايه ؟

اسالوا بقي طارق عامر ....انا ماعندي اجابة للسؤال الصعب ده