[upstairs]

صفحه الأستاذه /Nessreen Bahaa علي الفيسبوك
------------------------------------------------------------------
نيجى بقى لموضوع الانتخابات الامريكية و حجر البعض على حرية تعبير الاخرين عن مكنون صدورهم و عن فرحهم لفوز ترامب و خسارة هيلارى و السفسطة فى التريقة علينا علشان بنقول رأينا فى الموضوع
اولا انت مالك
معلش انا حرة اقول اللى يعجبنى و غيرى يقول براحته .
عارفين يا سيدى ان فى الاخر هو او هى امريكان و ح يراعوا مصالح بلدهم و مصالح الصهاينة
ليه التنظير و الاستعلاء الفكرى ده ؟
ثانيا من السطحية الشديدة انك تختصر الموضوع فى انها مش فارقه .
لا فارقه جدا عمليا و نفسيا و ايديولوجيا.
فارقه معانا كاشخاص نفسنا نشوف اللى افترى على مصر بيخسر
فارقه مع مصر مين اللى ح يحكم دوله لها تطلعات استعماريه
فارقه مع الارهابيين علشان التمويل
فارقه مع الخليج
فارقه مع اوروبا.
فارقه مع الدنيا كلها .
شفت انك سطحى لما قلت الاتنين زى بعض .
ثالثا بقى الهرى اللى مش عاجبك ده هو اللى بيفرق بيننا كمواطنين دولة عندها ارث حضارى و ثقافى و تاريخى عمره ٧٠٠٠ سنة و بين مواطن من دولة عمرها ٢٤٠ سنة ما يعرفش حاجة بره حدود ولايته او الحى بتاعه.
بمنتهى الفشخرة الراجل البسيط عندنا ثقافته بالف واحد من عينتهم فى بلاد انكل سام و ده بسبب الهرى المجتمعى اللى قارف سعادتك
فياريت و النبى و انت بتنظر علينا و بتبص لنا من فوق بقرف كده علشان صدعناك و زحمنالك التايم لاين بتاعك بالهرى بتاعنا
تفتكر ان غيرك من حقه يقول اللى هو عايزه طالما مافيهوش تعدى على حريتك و طالما ما عكرش صفو سطحيتك و لا حفر لك حفرة فى مياه تايم لاينك الضحل
بالراحة علينا يا عم