واقعة الاميرية
دي رواية سكان المنطقة مش كلامي والله
اكده في روايتين و القضاء هو الحكم
النقيب / كريم مجدي .. معاون مباحث الاميرية
الراجل ده انا اعرفوا يجي من اكتر من ٦ سنين .. واشهدلوا بالاحترام وحسن الخلق والتربيه الحسنه .. وانه عمره ما مد ايده علي متهم بالعكس دايره الاميريه كلها بتحبه .. الصغير فيها قبل الكبير من كتر المواقف الرجوليه اللي عاملها مع مل اهالي الاميريه
الظابط ده تم اتهامه ب***** المواطن مجدي مكين حتي الموت
ملابسات الواقعه بايجاز بتبدا بمرور النقيب / كريم مجدي والقوه المرافقه ليه في الدايره شافوا عربيه كارو عليها ٣ اشخاص .. بمجرد ما شافوا ميكروباص الشرطة حاولوا يجروا بالعربيه الكارو ويهربوا .. الميكروباص جري وراهم علشان يلحقهم ..
كان قدامهم مطب .. لبسوا فيه .. اتقلبت العربيه الكارو وادت لاصابه ال٣ اخاص اللي كانوا عليه باصابات متفرقه
من ضمنهم مجدي مكين اللي كان اكثرهم اصابه نتيجه انه هو اللي كان ماسك لجام الحصان
* وده من باب العلم بالشئ اللي حكاه الناس اللي كانوا في الكشك اللي حصلت قدامه الواقعه
رجاله المباحث نزلوا من الميكروباص ومسكوا ال٣ اشخاص وفتشوا العربيه الكارو لقوا فيها كيس جواه " ٢٠٠٠ قرص ترامادول جولد "
ومن باب العلم بالشئ برضوا ان الترامادول الجولد ده شاحح ومش موجود منه كتير والشريط الواحد اللي فيه ١٠ اقراص بيعمله حوالي ٢٥٠ جنيه ل٣٠٠ جنيه
يعني مستحيل ظابط هيلفق لحد قضيه بالمبلغ ده كله
المهم
خدوا ال٣ متهمين للقسم والعربيه الكارو للقسم
وحطوا ال٣ متهمين في طرقع المباحث فوق .. علشان يتعملهم المحضر .. في الوقت ده مجدي مكين فقد النطق .. فجري بيه الظابط علشان يلحقوا
بس عقبال موصلوا مستشفي الزيتون كان مجدي بقي جثه هامده
* والله اعلم واعلي بما حدث *
وعموما القضيه كلها قدام القضاء العادل .. وفيه طب شرعي هيثبت هل فعلا تعرض ل***** ولا لا
فبلاش التسخين اللي انا شايفه ع السوشيال ميديا ده لحد منشوف القضاء هيحكم بايه
اخيرا : فيه صور كتير بدات تنتشر علي انها جثه مجدي مكين مع العلم انها كلها متفبركه
اخرها كان فيديو نشرتوا قناه الشرق .. الفيديو كان لجثه متكفنه تكفين " المسلمين " واللي حواليه عمالين يقولوا الشهاده .. مع العلم ان المتوفي مسيحي الديانه .. يعني ده اكبر دليل ان الڤيديو ده لا يخص جثه مجدي مكين
ولما انتبهوا لده لغوا الصوت في الڤيديوهات
شهاده حق امام الله ثم الجميع .. ان النقيب / كريم مجدي ايه في الاخلاق وفي الاحترام وفي الرجوله والجدعنه وده واقع ملموس لكل دايره الاميريه ومستحيل انه يعذب او يضرب حتي بني ادم ..
ماجد