[محمد محمود بدر]

تابع


نرجع بالزمن لورا شوية في يوم 28 / 05 / 2013 هنلاقي طلب ملح وملح جدا من رئيس اتحاد الغرف التجارية (( أحمد الوكيل .. اه هو نفسه متغيرش )) .. ومعاه ( سيد النواوي ) عضو مجلس إدارة غرفة القاهرة .. طالبوا النظام في فترة (( مرسي )) بضرورة تخفيض تعريفة الجمارك على استيراد الدجاج قبل شهر رمضان .. وكل سنة وانت طيب ياريس مرسي ويدوم العز ..


ساعتها وزارة التجارة والصناعة عملت دراسة موسعة عالموضوع .. فلقت ان من مميزاته انه هيقلل كتير من اسعار الدجاج على المواطن المصري .. خصوصا استيراد اجزاء الدواجن من امريكا .. واللي كان تمن طن ( الاوراك ) ما بيتعداش 1100 دولار لضعف استهلاكها في المجتمع الامريكي ..


يعني الكيلو يوصل 8 جنيه بحسبة الدولار في الوقت ده .. لكن كانت العواقب كارثية على السوق المحلي واللي هينهار بدخول المستورد .. فحكومة مرسي طنشت الموضوع ده .. وقبل رمضان بكام يوم كانت حكومة مرسي راحت ..


مرجع للحكاية ساعتها من المصري اليوم :


أحمد الوكيل شخصية ريادية معروفة في مجال الصناعة والتجارة من ايام مبارك .. فهو عضو لجنة السياسات في الحزب الوطني وداعم كبير لفترة مبارك .. ومن اكبر الداعمين لفترة السيسي حاليا .. وله قصة كبيرة في ازمة السكر وحلها مع القوات المسلحة .. لانه اكبر مستورد للسكر الخام في مصر ..
*
مرجع التعريف باحمد الوكيل بجريدة الوطن :


مرجع دوره في ازمة السكر على لسان ( د / خالد رفعت ) احد اعمدة النظام الحالي سابقا


اه احمد الوكيل عليه صفقات مشبوهة بالهبل لانه من اعتى عتاة تجار مصر في الدولة العميقة .. ومفيش نظام عرف يشيله ومسمينه ( شهبندر التجار ) .. لكن بشكل عملي مش هو السبب الرئيسي في الازمة دي .. لان بكل بساطة جمارك الاسكندرية بالكامل مبتقدرش تستوعب غير 200 الف طن يومي من البضائع بشكل عام .. وده رقم كبير جدا .. اما بقى عن نسبة استياعبها من المجمدات في ثلاجاتها فهو عدد بسيط .. فمثلا .. اكبر شحنة دواجن جت واتخزنت بارقام سجلات الجمارك هي 70 طن فقط من شهر نوفمبر اللي فات ..
*
مرجع استيعابية جمارك الاسكندرية :

صفقات الوكيل المشبوهة :


اما انها تستوعب 150 الف طن يعني 150 مليون كيلو دجاج .. يعني 150 الف الف فرخة .. وكمان لمدة كبيرة هي مدة الاستيراد والانتظار كذا شهر عشان يطلع قرار الغاء الجمارك عن استيراد الدجاج .. فده كله لا مؤاخذه ( فتي وهتي ) .. ورجل الاعمال اللي يعرف يجمع 230 مليون دولار وقدر يحطها في شحنة زي دي .. المفروض يمسكوه رئاسة البنك المركزي رأسا ..

مرجع التفنيد لرئيس شعبة المستوردين :




يتبع