[المصري أشرف]

أنت مين يا عم؟!
رسالة من مواطن مصرى ....للسيسي
-------------------------------------------------
أنت مين يا عم .. ؟؟؟؟؟؟؟ لحد دلوقتي مش قادر أستوعب أن وزير الدفاع اللي أختاره الأخوان بمحض إرادتهم وسوقوه لينا على أنه أخواني .. هو اللي عزلهم وكان السبب في إنقاذ مصر من هذا الكابوس.
أزاي فلت من مؤامرة جر مصر لمجلس الأمن بعد عزل الأخوان وأحداث رابعة ؟.. وأزاي العرب جتلهم الجراءة على غير العادة أنهم يتحدوا إرادة أمريكا والغرب عشان يدعموك ..
مش غريبة أنهم في الوقت اللي بيحاصروك فيه اقتصاديا .. تقوم تكتشف أكبر احتياطي غاز بالعالم في أرضك.
مش غريبة أنهم يمولوا سد النهضة عشان يعملوا على مصر حصار مائي .. يقوم الفيضان ييجي ويملا السد العالي ويفيض في سابقة لم تحدث من 100 عام ؟
مش غريبة أن الغرب لما قال أنك مش قادر تسيطر على الإرهاب في مصر .. الإرهاب يضربهم في أكبر المدن الأوربية ..
مش غريبة أن أغلب الشباب اللي أتصوروا جنبك فازو بميداليات في الأولمبياد.
مش غريبة أن المرشح الأمريكي للرئاسة اللي وصفته بأنه هيكون زعيم قوي هو اللي يفوز بالمنصب رغم كل التوقعات ..
مش غريبة أن رغم كل المؤامرات والعراقيل اللي بتتعمل في سكتك ( لبن أطفال – رز – سكر – أرتفاع الدولار – ضرب سياحة – إرهاب - إشاعات) كل ده ولسة قادر تخطيهم وتكمل وتبني وتعمر في بلدك .. يا راجل دي لأول مرة في التاريخ المعارضة بدل ما تسألك بتودي الفلوس فين بقوا يقولولك بتجيب فلوس المشاريع دي منين؟
أنت مين يا عم .. ومين دعالك .. وليه دعالك .. وبإأيه دعالك ؟