مقال بيتكلم عن المعايير العلمية لتصنيف دولة بكونها أقل أو أكثر فساداً، وده على خلفية تراجع مصر ٢٠ ترتيب دفعة واحدة في مؤشر مدركات الفساد الدولي!
في المقال بيشرح إن القبض على بعض الفاسدين من وقت لآخر مش هوا المعيار، والموضوع مش آراء وعواطف، لكن منهجية علمية.
كاتب المقال المهندس يحيي حسين عبدالهادي، وكيل وزارة الاستثمار سابقاً، ورئيس مركز إعداد القادة سابقاً، اللي بنفتكر ان سبب شهرته كان موقفه سنة ٢٠٠٦ ضد الفساد، لما عارض خصخصة شركة عمر أفندي بأقل من قيمتها، ودفع ثمن ده حرمانه من مختلف مناصبه بعدها.
المهندس يحيي حسين كان بيكتب مقالاته في الأهرام لكن تم منعه من يناير ٢٠١٦ في مشهد متكرر لتصفية الإعلام من كل صاحب صوت مختلف.