اقتباس:
1. هل تجيد الطبخ؟
ايه يا عم ابوتريكة الاحراج ده
علي العموم أنا بعرف أعمل بيض و فراخ بانيه جاامدين
اصل قلي اتعلم الطبخ ليه !!
2. ألديك نظريات شخصية حول تربية الأولاد ؟
اه و الله بجد الموضوع ده شايل همه من اولي ابتدائي ههههه
بجد مش عارف لما اجيب عيال هتعامل معاهم كأب روش و يا درش و يا ابوحميد و النظام ده
ولا أعلمهم الأدب و كل حاجة بنظام معين و كده
فمش عارف و الله
3. هل تهتم بمظهرك الخارجي عند الخروج من البيت ؟
اه الحمد لله .. يمكن عمري ما خرجت بهدوم البيت أصلا عشان أجيب حاجة من تحت أو من مكان قريب غير مرة أو اتنين
و في الخروج بهتم بالمظهر مش عشان البنات و الكلام ده لأ و الله عشان لما أكون رايح مشوار مهم و اجي اظبط نفسي محدش يقولي لابس اللي حبل و الكلام الغبي ده
فالحمد لله بحاول البس اللي علي الحبل علي طوول هههه
4. اعرف انك تحب والديك لكن من تحب اكثر اباك ام امك ؟ ؟
انا بحب والدتي أكتر لأن والدي توفي من زمان بس حتي لو كان موجود أعتقد مفيش أحسن من ست الحبايب
5. أتحب الكلام مع أصدقائك عن مغامراتك الغرامية ؟
ههههه الحكاية دي مشهورة اووي فعلا .. لأ و الله مش بحب عشان بعتبرها إهانة لنفسي أصلا
7. أتعتقد أن الخيانة الزوجية تقضي على الزواج ؟
اممم اه أكيد .. لأنها حاجة عمرها ما بتتنسي و بتفضل وصمة للأبد فالواحد يفنش علي طوول أحسن
8. أتخاف العزلة والظلمه ؟
لأ مش اووي عشان اتعودت علي كده
9. أتحتاج دائماً إلى مظاهر خارجية من العطف و الحب ؟
اه أكيد
10. أتهتم كثيراً برأي الآخرين ؟
الصراحة مش دايما .. انا فعلا باخد رأيهم بس للأسف رأيي في لاخر اللي بمشيه < == وده عيب مش ميزة و بحاول أصلحه
11. أتشعر أحياناً بأنك مذنب دون أن تعرف لماذا بالضبط ؟
اه احيانا .. لأن أوقات الواحد بيبقي مثلا شايف أن ناس كتيرة زعلانة منه و هو شايف انه صح أو علي الاقل معملش حاجة أصلا
و دي ساعات بتحصلي
12. أتشعر بحاجة ماسة لأن تحاط بالعطف ؟
ما قلنا اه هههه
13. أتحب أن تكون ( بين الجماعة ) ممن لا يُستغنى عنهم اقصد
ان تكون دائما برفقة أصدقائك ؟
اه أكيد كل شخص بيحب كده .. فطرة يعني
14. هل لديك الكثير من ذكريات الطفولة ؟
ياااااااااااااه .. زي ما تحب أصلي كنت طفل مرووش أووي
15. أتؤمن بالقضاء والقدر ؟
اه الحمد لله .. و يمكن ده مسببلي مشاكل يعني لما يحصل أي حاجة مش بزعل أحيانا و في ناس بتعتبر ده جمود <== مش عايز أقول برود يعني
بس كده كده دي حاجة حصلت و كده كده كانت هتحصل
16. هل أنت من أنصار التحرر النسوي ؟
اه بس لغاية ما تجوز بس هههه
لألأ بهزر ولا النسوي و لا الرجالي أصل كلمة تحرر دي يعني تديك أحساس انها حاجة زيادة عن اللزوم
و انا بحب التوسط في كل حاجة
17. أتحب بصورة خاصة أن تكون ( مع أصدقائك ) ؟
يووو قلنا اه اه  ههه
18. هل انت راضي عن علاماتك بالمدرسه او عن وظيفتك ?
اه الحمد لله
19. أتعتقد أن بامكان الرجل أن يحقق ذاته في الحياة المهنية ؟
امال الست هي اللي بامكانها !!
اه طبعا أكيد و حصلت يعني مش جديدة
20. هل انت واثق من نفسك 100% او 80% او 50% ؟
يوو بتضايق اووي من السؤال ده علي فكرة بس تقدر تقول في التسعينات او بدام مفيش تسعين يبقي 80
21. هل يزعجك احد بالمنتدى ؟
اه طبعا . . بتضايق من كل واحد ميبقلش هزار حد و ميبهزرش
الحياة كلها كده شوية جد و شوية هزار
22. أتحب السفر دون مرافق من اهلك؟
والله حسب المرافق .. و انا مش بحب معايا في السفر غير والداتي غير كده لأ
يعني تقدر تقول لأ مبحبش السفر مع قرايبي
يعني دايما المصايف بسافر مع أصحابي و مبطلعش مع قرايبي
23. اكتب 3 صفات لعروسة المستقبل ؟
هتجيبلي واحدة ولا ايه
انا كنت شاكك في كده من الاول علي العموم
تكون
متدينة و طبعا بدام متدينة يبقي أخلاقها حلوة طبعا
جميلة
متفوقة
|
و انا مستني العروسة يا ابو تريكة
موضوع جامد تسلم ايدك