يا أبله مني ناجي
جايز عشان الرصاص طري ويسهل مسحه
أماالقلم الجاف ..جاف ,ويصعب إزالته
واللهُ أعلم وإنَّ بعض الظَّنِ إثم
جايز يكون حد من بتوع الوزارة
فتح مصنع بير سِلِّم للأقلام الرصاص
أو لو حبوا يغيروا الإجابة فيسهل تغييرها
أو زي ما قلت بيعتقدوا إن المدرسين مايعرفوش حاجة
و ح يقعدوا يمسحوا الإجابة أكتر من 50 مرة
والكمبيوتر ح يصحح الورقة
إللي إجابتها بالرصاص
لأنه مابيعرفش يصحح إلاَّ بيه
أو جايز تكون فيه حاجة فيزيائية
تبع تخصصي أنا ما أعرفهاش
ودي تبقي فضيحة بجلاجل ياجدعان
وابقي انا كدة سقطت في امتحان الكادر
وبكدا السنين اللي فاضلة لنا في الوزارة تبقي كوبيا
عموما أنا حابحث بجد في الموضوع
حتى لو سالت أخونا ( بيرو ) عن اختراعه
ألاَّ هو لسَّه عايش ولاَّ مات؟
أنا بأمانة مش عارف
إية حكاية الرصاص
والله أنا خايف يا أستاذة!
ليكونوا بيعودونا واحدة واحدة علي الرصاص
ألاَّ قول لي ياأستاذة
مش إنتي برضُه بتذاكري كويس
أحسن اللي ح يسقط - باين عليهم كده -
حيضربوه بالرصاص
ربنا يسترها معانا وينصرنا علي من يعادينا
وينجحنا يارب
ونكيد الأعادي واللي بالي بالك