السؤال كمثله من الأسئلة ملوش أي معنى
لكن هجاوبهولك ...
والله البلاستيك أنواع في منه PE و PVC و بكاليت وغيره وغيره
انا هفتحلك باب تجيب منه PE و باب تجيب منه بكاليت
1- هنجيب PE
هتعمل تحلل مائي للسكروز يديك جلوكوز وفركتوز
هنعمل تخمر كحولي للجلوكوز يديك ايثانول و CO2
هنعمل نزع جزيء ماء من الايثانول عند 180 درجة هيديك ايثين
هنعمله بلمرة يديك PE
2- هنجيب بكاليت
هتعمل تحلل مائي للسكروز يديك جلوكوز وفركتوز
هنعمل تخمر كحولي للجلوكوز يديك ايثانول و CO2
هنعمل اكسدة تامة للايثانول يديك ايثانويك
هنفاعل الايثانويك مع الصودا الكاوية يديك ايثانوات صوديوم
هنعمل تقطير جاف لايثانوات الصوديوم يديك ميثان
هنعمل تسخين لأعلى من 1400 ثم تبريد سريع للميثان يديك ايثاين
هنعمل بلمرة ثلاثية حلقية للايثاين يديك بنزين
هنعمل كلورة للبنزين في وجود uv وكلوريد الحديد III كعامل حفاز هيديك كلورو بنزين
هنعمل تحلل مائي قلوي لكلورو بنزين عند 300 حرارة و 300 ضغط هيديك فينول
هنعمل بلمرة تكاثف للفينول مع الفورمالدهيد عشان يديك بكاليت
وفي الف طريقة تانية
والسؤال مش منطقي ، بس حبيت اجاوبك وخلاص ...
|