اقتباس:
المشاركة الأصلية كتبت بواسطة بندق__2007
كل الاحلام تصبح حقيقة يا كريم
حتى لو فى دولة رئيسها مبارك و رئيس وزراءها نظيف
بس المشكلة كام واحد فى الشعب بيعرف يحلم أصلا
و لما بيحلم بيحلم بإيه
انت بتحلم انك تكون عضو مجلس شعب و عضو صالح للمجتمع ده جميييييييل و دى الخطوة الاولى
و ان شاء الله حلمك يتحقق و لكن ...
بص على الشباب و البنات بيحلموا بإيه
اتحداك لو سالت واحد او واحدة النهاردة نفسك فى ايه و قالتلك او قالك نفسى اعيش فى بلدى مصر اللى هى مصر بجد
تعالى ناخد عينة عشوائية :
س: نفسك فى ايه ؟
شاب لابس حظاظة : نفسى موت اقابل نانسى و اقولها انها جامدة طحن
س: نفسك فى ايه ؟
بنت لابسه بلوزة كت و برمودا : نفسى اقابل فتى احلامى و يفسحنى فى أوروبا
س: نفسك فى ايه ؟
شاب منعكش شعره : يا عم انا نفسى سعادة الباشا الدتور اللواء المهندس المحافظ يشوفلى تعيين لاحسن انا دايخ بقالى سنين
س: نفسك فى ايه ؟
بنت حاطة ميك آب : نفسى شركات مستحضرات التجميل تراعى ربنا بقى فى الميك أب بتاعهم عشان كدة حرام خالص
و فيه حاجات أفظع من كدة بس يلا
عموما ما تبطلش تحلم يا كريم و انا اسف انى طولت عليك
|
طبعا النماذج دي يابندق مش احلام لاء دول شباب طايشين
ومش ليهم اي هدف
والله انا قابلت ناس كتيره بتحلم انها تكون حاجه نافعه
للبلد
ناس عايزه تعمل احزاب
وناس بتعمل مشاريع تفيد البلد
وناس وناس وناس
وتقولي حظاظه وسلسلة الكلاب ومستحضرات التجميل
والله شرفني مرورك الجميل ده يا استاذ بندق
ومش عارف اقولك ايه
جزاك الله كل الخير