اقتباس:
|
ياهل لما اسلم علي ابن عمي او ابن عمتي
|
دة على فكرة لو قلنا حرام ولا حلال فى دى كمان تبقى بجد مصيبة
دة النبى صلى الله عليه وسلم رفض ان يصافح النساء فى المبابعة
مع ان المبايعة لا تتم الا بالمصافحة
ارجوا اننا ناخد بالنا شوية فى الكلام
وعلى فكرة يا اسلام قبل ما نقول كل الكلام الى اتقال دة
اسئل اى مسلم
طالما يعنى على الكلام الى بسمعه ان كل واحد ملتزم اوى كدة فى كلامه مع البنات وكل واحد بيتقى ربنا اوى كدة
امال ليه حال المسلمين وصل لكدة؟
اقتباس:
|
ثالثا:ما هذه الجرئة العجيبة منك ومن من يسمى المجاهد فى سبيل الله فى اطلاق احكام دينية ؟؟؟؟ من انتم حتى تفتوا فى مسألة دينية كهذه و من انتم حتى تحلوا او تحرموا ؟؟؟ اذا كان الامام مالك ذات نفسه كان يكثر من قول لا اعلم فى المسائل الفقهية وهو من هو فهو لا يتسرع و يقول حراااااااااام او حلال
|
دة النبى قالنا عليه منذ 14 عشر قرنا
ان فيه زمان يبقى الواحد قاعد
يتسال فيقول هذا حلال وهذا حرام
مع احترامى لاحمد وخالد
دلوقتى طالما احمد قالك حرام
هل هو قالك الادلة الواجبة على ذلك؟
حتى لو فعلا كلامه طلع صح
ما ينفعشى كلمة حرام ولا حلال تخرج الا من العلماء
مش من واحد بيتناقش مع زميله
واظن معروف اوى ان واحد راح للامام مالك المدينة المنورة
وكان جاى من الاندلس مخصوص بمائة مسالة
كانت المعظم لم يجيب عنها
لانه رفض انه يتكلم فيما لا يعلم
اما الان ما شاء الله الناس بقى علمها اكبر بكتير
اى حاجة تتقال يقولك هذا حلال وهذا حرام
ولا حول ولا قوة الا بالله
يعنى مثلا مجمع البحوث العلمية
معمول لمثل هذة النقاشات
يكون لكل دولة عالم وايضا خبراء فى الموضوع الذى سيناقش سواء كانوا خبراء طبيين او اقتصاديين او غيرهم
ساعتها بنقدر نقول على دة نقاش
دى مثلا كلمة معروفة جدا
لو فعلا ربنا عرفناه بالعقل
فهل لو ماكنشى فيه انبياء كانت الناس عرفت ربنا منين
الكلمة دى كان معلق عليها احد العلماء
ان ربنا عرفوه بالدين
ما سيدنا نوح كان نازل لقومه وهما بيعبدوا الاصنام
ولك الانبياء كذلك
بس بردة كان القوم بيعترضوا هل عشان ماكانشى عندهم عقل؟
لا عشان ماكانشى عندهم استعداد انهم يتقبلوا ذلك الكلام
اقتباس:
|
وطبعا دا نقاش يا نسمه واللى يضايق يضرب دماغه فى الحيطه
|
لا يا احمد
النقاش فى الامور الدينية يبقى فى وود العلماء
يعنى مثلا اكبر واحد هنا فى الدين دارس ايه او معاه بمعنى اصح شهادة دينية ايه بالظبط؟
اقتباس:
|
ببساطه جدا اي معلومه توصلك مش هتعمل اكتر من انك تفكر فيها بعقلك وتتاكد باي طريقه بئا تسال حتي ولو حد مبيفهمش والله ساعات اللي مبيفهموش دول بيطلع منهم بلاوي اسالني انا
|
ادى مثلا رد صراحة مش عارف اقول عليه ايه
نبقى نتكلم فى موضوع دينى بحت ونقول الكلام دة
اقتباس:
|
اكتر من انك تفكر فيها بعقلك وتتاكد باي طريقه بئا تسال حتي ولو حد مبيفهمش
|
عموما ان مش عارف اقول ايه صراحة
بس لو كان اصلا فيه مشرفين متحكمين كويس فى المنتدى كان زمان الموضوع غير كدة خالص
وماكانشى يبقى حتى الهزار فى الامور الدينية
وسوؤال بسيط على الكلمة دى
اقتباس:
|
ولا نرجع ونتكلم فى فتوى ارضاع الكبير علشان يبئوا محرمين على بعض
|
دى فتوى على فكرة من عالم كبير جدا يا اسلام
الامام الشافعى رحمه الله
هو الى اتكلم باستفاضة عن الموضوع دة
فياريت تقولى هل حضرتك قريت فتوة الامام الشافعى فى هذا الموضوع
وهل تعلم ما ادلته فى الموضوع دة؟
ولماذا اصلا افتى بهذة الفتوى؟
وما رأى بقية الامة فيها؟
اقتباس:
|
يبقى زى متحب هو ايه الى لسه مبظش فيه يالاه بجملة البوظان
|
الحمد لله الدين عمره ما مسه سوء
الدين ثابت فى قلوب المؤمنين الموحدين
وسيظل الخير فى امة النبى صلى الله عليه وسلم الى يوم الدين
فى امان الله